អង្គការ NASA និងក្រុមហ៊ុន Boeing បានប្រកាសថា ពួកគេកំពុងប្រឹងប្រែងដោះស្រាយបញ្ហាបច្ចេកទេសដែលកើតឡើងលើយានអវកាស CST-100 Starliner របស់ខ្លួន មុនពេលបាញ់បង្ហោះជាថ្មីនៅក្នុងឆ្នាំខាងមុខ។ ចំពោះបញ្ហានេះ កើតឡើងក្នុងបេសកកម្មដំបូងដែលបញ្ជូនអវកាសយានិក Butch Wilmore និង Suni Williams ទៅស្ថានីយអវកាសអន្តរជាតិ (ISS)។
- គួរឲដឹងថា ដំបូងឡើយបេសកកម្មនេះ មានគម្រោងឲ្យអវកាសយានិកស្នាក់នៅលំហររយៈពេល ១៥ ថ្ងៃ តែប៉ុណ្ណោះ ប៉ុន្តែដោយសារកំហុសដែលកើតឡើងភ្លាមៗ, នាវិកទាំងពីរត្រូវស្នាក់នៅរយៈពេល ៥ ខែ មុននឹងត្រលប់មកផែនដីជាមួយយាន Dragon របស់ SpaceX។ បច្ចុប្បន្ន NASA និង Boeing កំពុងត្រួយពិនិត្យលម្អិត និងសាកល្បងជាថ្មី ដើម្បីកំណត់ពេលវេលាសម្រាប់ការហោះហើរបន្ទាប់។
ពាណិជ្ជកម្ម
បើយោងតាមលោក Steve Stich, អ្នកគ្រប់គ្រងកម្មវិធី Commercial Crew របស់ NASA បានអះអាងថា ការហោះហើរបន្ទាប់អាចប្រព្រឹត្តទៅនៅចុងឆ្នាំ ២០២៥ ឬដើមឆ្នាំ ២០២៦ ទោះបីបេសកកម្មនេះជួបបញ្ហាក៏ដោយ ខណៈៈក្រុមហ៊ុន Boeing នៅតែបន្តខិតខំក្នុងការអភិវឌ្ឍ Starliner ដែលមានការចំណាយជាង ២ ពាន់លានដុល្លារ។ ក្នុងនោះ NASA និង Boeing សង្ឃឹមថា ការដោះស្រាយបញ្ហានេះ នឹងអាចធានាការហោះហើរដែលមានសុវត្ថិភាព និងជោគជ័យនៅពេលអនាគត៕