រថយន្ត Zeekr 9X Grand ដែលជារថយន្ត SUV ប្រណិតដ៏ធំបំផុតពីក្រុមហ៊ុន Geely Group ត្រូវបានប្រកាសជាផ្លូវការនៅប្រទេសចិន។ រថយន្តនេះនឹងចូលទៅក្នុងទីផ្សារចិនជាមួយនឹងប្រព័ន្ធម៉ាស៊ីនផ្លាក់អ៊ីន-ហាយប្រ៊ីដ (plug-in hybrid) នៅត្រីមាសទី ៣ ឆ្នាំ ២០២៥។ Zeekr បាននិយាយថារថយន្តនេះថាជា “រថយន្ត SUV ប្រណីតលំដាប់ពិភពលោក”។
Zeekr បានបញ្ជាក់ជាផ្លូវការថា ឈ្មោះរបស់រថយន្ត SUV ប្រណិតនេះគឺ 9X Grand រូបភាពផ្លូវការត្រូវបានបង្ហាញ ប៉ុន្តែរថយន្តនៅតែមានការបាំងបិទ។ ទោះជាយ៉ាងណា យើងអាចសង្កេតលក្ខណៈរចនាខាងក្រៅរបស់វាបាន។ Zeekr 9X Grand ជារថយន្តមានប្រវែងធំ បែបផែនរឹងមាំ គូទខាងក្ររោយបស់វាស្រដៀងទៅនឹង Range Rover ដោយមានដំបូលស្ដើងនិងជ្រុងបែបអក្សរ D។ រថយន្តនេះប្រើដៃចាប់ទ្វារជាប្រភេទ flush-door handles និងមានស៊េនស័រ LiDAR លើដំបូល។ ខាងមុខរថយន្តមានអំពូលមុខពីរប្លុកគឺផ្នែកខាងលើនិងខាងក្រោម ដែលមានលក្ខណៈស្រដៀងនឹង Zeekr 009 minivan។
ក្រុមហ៊ុន Zeekr ក៏បានចែករំលែកវីដេអូមួយដែលបង្ហាញ 9X Grand កំពុងធ្វើតេស្តនៅក្នុងអាកាសធាតុរដូវរងារ។ ក្នុងវីដេអូនេះ រថយន្តកំពុងបើកបរនៅលើផ្លូវព្រិលដោយមានទេសភាពពេញទៅដោយព្រិល។
បច្ចុប្បន្នមិនទាន់មានព័ត៌មានអំពីលក្ខណៈបច្ចេកទេសរបស់ Zeekr 9X Grand នៅឡើយទេ។ ទោះយ៉ាងណា វាជារថយន្តធំមួយដែលមានប្រវែងលើសពី 5.2 ម៉ែត្រ។ វានឹងក្លាយជារថយន្តដំបូងបង្អស់ដែលប្រើប្រព័ន្ធ Zeekr Super Hybrid។ ដោយកន្លងមក ក្រុមហ៊ុនបានបញ្ជាក់ថា 9X Grand នឹងប្រើប្រាស់ប្រព័ន្ធម៉ាស៊ីនដែលរួមបញ្ចូល BEV (រថយន្តអគ្គិសនី), PHEV (ផ្លាក់អ៊ីន-ហាយប្រ៊ីដ), និង EREV (រថយន្តអគ្គិសនីអានុភាព)។
Zeekr 9X Grand នឹងចូលទៅក្នុងទីផ្សារចិននៅ ត្រីមាសទី ៣ ឆ្នាំ ២០២៥។ មានឱកាសថារថយន្តនេះនឹងចេញបង្ហាញជាផ្លូវការនៅក្នុងពិព័រណ៍រថយន្ត Shanghai Auto Show នៅខែមេសា។ ជារថយន្ត SUV flagship វាអាចមានតម្លៃលើសពី ១ លានយ័ន (ប្រហែល ១៤ម៉ឺនដុល្លារអាមេរិក) នៅក្នុងទីផ្សារចិន។