ក្រុមហ៊ុន Xiaomi បានប្រកាសឲដឹងថា ក្នុងរយៈពេលតែ ១០០ថ្ងៃប៉ុណ្ណោះ ពួកគេបានលក់ស្មាតហ្វូនស៊េរីចុងក្រោយគឺ Redmi K80 Series បានចំនួនដល់ទៅ ៣,៦លានគ្រឿង បន្ទាប់ពីប្រកាសចេញលក់នៅក្នុងខែវិច្ឆិកា ឆ្នាំ 2024 ។
ក្នុងនោះ ស្មាតហ្វូនត្រកូល K80 នេះ មានចំនួន ៣ ម៉ូឌែល រួមមាន K80, K80 Pro និង K80 Pro Automobili Lamborghini Squadra Corse Special Edition ។
ពាណិជ្ជកម្ម
ប៉ុន្តែថ្មីៗនេះ ក្រុមហ៊ុន Xiaomi ផ្ទាល់គ្រោងប្រកាសចេញចំនួន ២ម៉ូឌែលបន្ថែមទៀតមានដូចជា Redmi K80 Ultra និង Redmi K80 Gaming ដែលម៉ូឌែល Redmi K80 Ultra នឹងដំណើរការដោយឈីប Dimensity 9400 Plus មានថ្មធំដល់ 6,500 mAh ចំណែក Redmi K80 Gaming វិញ នឹងដំណើរការដោយឈីប Snapdragon 8s Elite ។
គួរបញ្ជាក់ផងថា ស្មាតហ្វូនទាំង 3.6 លានគ្រឿងដែលបានលក់នេះ គឺជាចំនួនដែលត្រូវបានលក់នៅក្នុងប្រទេសចិន ប៉ុណ្ណោះ ពោលគឺស៊េរីនេះមិនទាន់ចេញលក់ជាសកលនៅឡើយទេ៕