ក្រុមហ៊ុន Great Wall Motor (GWM) បានបើកឱ្យកក់ Tank 300 ឆ្នាំ 2025 ជាមួយប្រាក់កក់ត្រឹមតែចំនួន 412 ដុល្លារ សហរដ្ឋអាមេរិកប៉ុណ្ណោះ ការអាប់ដេតដ៏សំខាន់គឺផ្នែកម៉ាស៊ីន និងការរៀបចំប្រព័ន្ធបញ្ជាទាំងស្រុង អតិថិជនអាចជ្រើសរើសបានពីម៉ាស៊ីនសាំង, ម៉ាស៊ីនម៉ាស៊ូត, និងប្រភេទ Hi4-T Plug-in Hybrid សម្រាប់ Tank 300 ដែលមានលក់បច្ចុប្បន្ន ត្រូវបានបំពាក់ដោយម៉ាស៊ីនសាំង 2.0T, ម៉ាស៊ីនសាំង 2.0T + ប្រព័ន្ធ Hybrid 48V, ម៉ាស៊ីន 3.0T V6 + ប្រព័ន្ធ Hybrid 48V, ឬប្រព័ន្ធ Hi4-T Plug-in Hybrid ដែលមានតម្លៃចាប់ពី 27,400 ដុល្លារ។
Tank 300 ឆ្នាំ 2025 បន្តរចនាប័ទ្មខាងក្រៅដដែល ប៉ុន្តែបន្ថែមពណ៌ខាងក្រៅថ្មី បំពាក់ជាមួយកាងខាងមុខទំហំធំ និងអំពូលមុខរាងមូល។ កាន់តែទំនើបឡើង ប៉ុន្តែបន្តរការប្រើដៃទ្វាដូចទៅនិងឆ្នាំមុនៗដែរ ដំបូលមានកាងខាងលើ និងមានសំបកកង់សារគួរនៅខាងក្រោយ។ សម្រាប់ម៉ូដែលម៉ាស៊ីនសាំង និងម៉ាស៊ីនម៉ាស៊ូត ក៏មានបំពាក់ Winch នៅខាងមុខផងដែរ។
ម៉ូដែលម៉ាស៊ីនសាំងប្រើម៉ាស៊ីន 2.0T ប្រភេទ E20CB ដែលផលិតថាមពលអតិបរមា 167 kW (224 hp) និងកម្លាំងរមួល 387 Nm។
ចំណែកម៉ាស៊ីនម៉ាស៊ូត ប្រើម៉ាស៊ីន 2.4T ប្រភេទ E24D ដែលផលិតថាមពលអតិបរមា 137 kW (184 hp) និងកម្លាំងរមួល 480 Nm។
ចំណែកម៉ូដែល Hi4-T Plug-in Hybrid ក៏ប្រើម៉ាស៊ីន 2.0T ដូចគ្នា និងមានចម្ងាយដំណើរតែដោយអគ្គិសនី 105 គ.ម។ អ្វីដែលពិសេសទៀត គឺប្រព័ន្ធបញ្ជាផ្លាស់ប្តូរខ្នាតថ្មី ដែលជាកំពូលបច្ចេកវិទ្យា 9AT ដែលបង្កើតដោយចិនផ្ទាល់ និងមានរបៀបបើកបរចំនួន 10 ហើយសម្រាប់បច្ចុប្បន្ននេះ ព័ត៌មានបន្ថែមអំពីប្រព័ន្ធបញ្ជានៅតែរងការប្រកាសផ្លូវការបន្ថែម។
ផ្នែកខាងក្នុងកាប៊ីនត្រូវបានបំពាក់ដោយដៃចង្កូតរាងអក្សរ D, អេក្រង់បង្ហាញព័ត៌មានទំហំ 12.3 អ៊ីង, អេក្រង់បញ្ជាកណ្តាលទំហំ 14.6 អ៊ីង (បណ្តោយ) ដែលដំណើរការដោយឈីប Qualcomm Snapdragon 8155, និងឆាកសាកថ្មទូរស័ព្ទឥតខ្សែពីរ (50W)។ ប្រព័ន្ធសំឡេងលឺល្អដោយប្រើជាមួយ Speaker ចំនួន 12គ្រាប់ និងប្រព័ន្ធបន្ថយសំលេងរំខាន (Active Noise Cancellation)។
ប្រព័ន្ធប្រតិបត្តិការប្រើប្រាស់ Coffee OS 3 ជំនាន់ទី 3 ហើយកៅអីក៏ប្រើស្បែក Nappa ផងដែរ។ ទោះបីមានការរចនាទំនើប តែមុខងារប៊ូតុងចាស់នៅតែត្រូវរក្សាទុក ហើយមានការកែប្រែទៅជា Column Shift Design ជាមួយនឹងមុខងារ Voice Control ដែលមានប្រសិទ្ធភាពខ្លាំងជាងមុន។
