រថយន្ត Ferrari 12Cilindri Spider 2025 បានស្រមៃឡើងវិញពីឫសគល់របស់ Ferrari ក្នុងវិស័យអូតូ និងព្រលែងពីភាពបុរាណបែបទំនើបរបស់ម៉ាស៊ីន V-12 នៅខាងមុខ 12Cilindri Spider គឺជាការចាប់ផ្តើមដំបូងនៃឆ្នាំសំខាន់មួយសម្រាប់ប្រវត្តិរបស់ម៉ាក Ferrari។ ក្រុមហ៊ុននឹងបង្ហាញផលិតផល ៦ ម៉ូឌែលថ្មីក្នុងឆ្នាំនេះ ដែលរួមមានរថយន្តអគ្គិសនីដំបូងបំផុតក្នុងខែតុលា។
នៅពេលដែល Ferrari កំពុងផ្លាស់ប្តូរការផលិតទៅនឹងរថយន្តអគ្គិសនី 12Cilindri Spider បន្តនាំយកបទពិសោធន៍នៃម៉ាស៊ីន V-12 ដ៏មានអត្ថន័យសម្រាប់ប្រវត្តិរបស់ Ferrari។ Ferrari 12Cilindri Spider មានម៉ាស៊ីន V12 ទំហំ 6.5 លីត្រ ដែលបង្កើតកម្លាំងបានដល់ 830 សេះ ម៉ាស៊ីននេះភ្ជាប់ជាមួយប្រអប់លេខ dual-clutch 8 វគ្គ ដែលផ្តល់នូវការប្តូរលេខយ៉ាងរលូន និងមានប្រសិទ្ធភាព។ វាប្រើប្រព័ន្ធប្តូរការបញ្ជារតាមអេឡិចត្រូនិចដែលធ្វើឲ្យភាពលឿនកើនឡើងដោយស្វ័យប្រវត្តិនិងឆាប់រហ័សដោយល្បឿនសន្ទុះរបស់វាពី 0-100km/h វាប្រើពេលត្រឹមតែ 2.8 វិនាទីប៉ុណ្ណោះ។
សម្រាប់ការស៊ីប្រេង, តាមតារាង WLTP, 12Cilindri Spider មានការស៊ីប្រេងដូចខាងក្រោម៖
ក្នុងទីក្រុង (Low): 27.0 លីត្រ/100 គីឡូម៉ែត្រ ក្នុងទីក្រុងមធ្យម (Mid): 16.6 លីត្រ/100 គីឡូម៉ែត្រ ល្បឿនខ្ពស់ (High): 13.5 លីត្រ/100 គីឡូម៉ែត្រ ល្បឿនខ្ពស់បំផុត (Extra High): 13.3 លីត្រ/100 គីឡូម៉ែត្រ សរុបមកជាមធ្យមវាអាចនិង (Combined): 15.9 លីត្រ/100 គីឡូម៉ែត្រ។
អ្នករចនា Ferrari លោក Andrea Militello បាននិយាយដោយលេងប្រឡំមែនថា។ Militello ជាអ្នកគ្រប់គ្រងគម្រោងរចនារថយន្តកីឡសម្រាប់ Ferrari និងបានចូលរួមក្នុងសន្និសីទជាមួយវិស្វករ និងអ្នកគ្រប់គ្រងផលិតផល។ លោកបានបញ្ជាក់ថា ទាំងវិស្វករ អ្នករចនា និងអ្នកបើកបរ Ferrari បំពេញការងារជាមួយគ្នាដើម្បីបង្កើតរចនាសម្ព័ន្ធដ៏ល្អឥតខ្ចោះ។ Ferrari 12Cilindri Spider មានការរចនាខាងក្នុងដ៏ប្រណិត និងទំនើប ដែលផ្តល់បទពិសោធន៍បើកបរដ៏ល្អឥតខ្ចោះសម្រាប់អ្នកបើកបរ និងអ្នកដំណើរ។
ការរចនាខាងក្នុងត្រូវបានបែងចែកជាពីរផ្នែកសម្រាប់អ្នកបើកបរ និងអ្នកដំណើរ ដោយមានរចនាសម្ព័ន្ធស្មើភាពគ្នាដែលផ្តល់អារម្មណ៍ទំនើបប្រណិត និងផ្តល់ភាពស្រស់ស្អាត។ រថយន្តនេះមានអេក្រង់បង្ហាញរហូតដល់ទៅ៣ (Displays)៖ អេក្រង់ទំហំ 10.25 អ៊ីញ ដែលអាចគ្រប់គ្រងមុខងារសំខាន់ៗ អេក្រង់បង្ហាញសម្រាប់អ្នកបើកបរទំហំ 15.6 អ៊ីញ បង្ហាញព័ត៌មានអំពីការបើកបរ និងស្ថានភាពរថយន្ត អេក្រង់បង្ហាញសម្រាប់អ្នកដំណើរទំហំ 8.8 អ៊ីញដែលអាចឱ្យអ្នកដំណើរតាមដានព័ត៌មាននានា ចង្កូតមានប៊ូតុងប៉ះ capacitive ដែលងាយស្រួលប្រើប្រាស់ និងមានភាពត្រឹមត្រូវក្នុងការបញ្ជា ហើយក៏មានជាមួយនិងប្រព័ន្ធភ្ជាប់ទូរស័ព្ទចល័តរួមបញ្ចូលប្រព័ន្ធ Apple CarPlay® និង Android Auto® ជាស្តង់ដារ។
ការរចនាខាងក្នុងទាំងមូលរបស់ Ferrari 12Cilindri Spider ផ្តោតលើភាពប្រណិត ការប្រើប្រាស់ងាយស្រួល និងបទពិសោធន៍បើកបរដ៏អស្ចារ្យ ការរចនារថយន្តនេះបានយកលំនាំនៃរថយន្ត Ferrari 365GTS/4 ឆ្នាំ 1969 ដែលត្រូវបានគេស្គាល់ថា Daytona Spider ដែល Leonardo Fioravanti ពី Pininfarina បានរចនា។ រចនាសម្ព័ន្ធរបស់ 12Cilindri Spider មានរូបរាង វែង ហើយផ្នែកខាងមុខមានសភាពទាក់ទាញក្នុងរចនាបែបត្រង់ ដែលជួយដល់ការជ្រែកខ្យល់បានល្អ និងផ្អែកកង់មានទំហំ ២១ អ៊ីញ។ A-pillars ត្រូវបានបង្វិលទៅក្រោយយ៉ាងខ្លាំង ហើយខ្នងរថយន្តស្រួចទៅតាមខ្នងកៅអី។
សម្រាប់ប្រព័ន្ធបើកបរដែលត្រឹមត្រូវនិងសុវត្ថិភាពវាបានប្រើជាមួយ និងហ្វ្រាំងកាបូន-សេរ៉ាមិចបន្ថែមលក្ខណៈពិសេសសំខាន់មួយសម្រាប់រថយន្ត GT គឺសម្ពាធម៉ាញ៉ែតូ (magnetorheological dampers) បានបង្កើតបទពិសោធន៍ដ៏រលូននៅលើផ្លូវប្រកបដោយឧបសគ្គ។ សម្រាប់តម្លៃចាប់ផ្តើមរបស់ Ferrari 12Cilindri Spider គឺប្រហែល $465,455 តម្លៃនេះអាចកើនឡើងដល់ $508,000 ប្រសិនបើរួមបញ្ចូលជម្រើសបន្ថែមផ្សេងៗ។