ក្រុមហ៊ុន Adobe បានប្រកាសចេញកម្មវិធី Photoshop លើទូរស័ព្ទដៃជាលើកដំបូង ដោយផ្តល់ជម្រើសឥតគិតថ្លៃ និង Premium ក្នុងតម្លៃ ៧,៩៩ ដុល្លារ ក្នុងមួយខែ។ បច្ចុប្បន្នកម្មវិធីនេះ អាចប្រើបាននោះលើ iPhone ចំណែក Android វិញត្រូវបានរំពឹងថានឹងចេញក្នុងពេលឆាប់ៗនេះ។
ក្នុងនោះ Adobe Photoshop ដែលដាក់ឲប្រើប្រាស់នូវលើទូរស័ព្ទដៃ គឺមានសមត្ថភាពខ្លាំងស្រដៀងគ្នានឹង Photoshop នៅលើ Laptop ដែល សម្រាប់ការកែថតរូប និងមានគោលដៅក្នុងការទាក់ទាញអ្នកប្រើប្រាស់វ័យក្មេង ខណៈជម្រើសឥតគិតថ្លៃមានមុខងារ ឫ Function Layers, Masking និង Text Tools ចំណែកជម្រើស Premium វិញ មានមុខងារបន្ថែមមួយចំនួនដូចជា Generative AI និិង Cloud Sync ជាដើម។
ជាមួយគ្នានេះ បើយោងតាមលោក Deepa Subramaniam អនុប្រធានផ្នែកទីផ្សារផលិតផលរបស់ Adobe បានបញ្ជាក់ថា ការបញ្ចេញកម្មវិធីលើទូរស័ព្ទដៃនេះមានគោលបំណងចម្បងក្នុងការផ្តល់ឱកាសដល់អ្នកបង្កើតមាតិកាជំនាន់ថ្មីដែលប្រើស្មាតហ្វូនជាឧបករណ៍ចម្បងក្នុងការផលិតមាតិកា៕