ស្មាតហ្វូនខ្នាតកំពូលរបស់ក្រុមហ៊ុន vivo គឺ vivo X200 Ultra ត្រូវបានគេរំពឹងថានឹងបង្ហាញខ្លួននៅក្នុងប្រទេសចិននៅពាក់កណ្តាលខែមេសា ដល់ចុងខែមេសាជាមួយនឹង X200s នេះបើយោងតាមព័ត៌មានដែលបានបង្ហាញនៅលើ Weibo ។
ពាណិជ្ជកម្ម
ក្នុងនោះ ស្មាតហ្វូនជំនាន់ថ្មីនេះ នឹងទទួលបាន Action Button ថ្មី នៅផ្នែកខាងក្រោមនៃស៊ុមខាងស្តាំ។ ចំពោះ Action Button ថ្មី នេះ នឹងប្រើជាប៊ូតុងកាមេរ៉ា ខណៈឈ្មោះពិតប្រាកដមិនត្រូវបានប្រកាសចេញនៅឡើយទេ។
សម្រាប់ផ្នែកកាមេរ៉ាខាងក្រោយរបស់ X200 Ultra ត្រូវបានគេរំពឹងថានឹងទទួលបានលេនគោល 50 MP, លេន 50 MP ultrawide និងលេន 200 MP periscope telephoto camera ។ ជាមួយគ្នានេះ ក្រុមហ៊ុន vivo ក៏នឹងបង្ហាញនូវបន្ទះឈីបរូបភាពជំនាន់ថ្មីដែលផលិតដោយខ្លួនឯង និងមានភាពប្រសើរឡើងផងដែរ។ គួរបញ្ជាក់ថា ក្រៅពី X200 Ultra និង X200s ក្រុមហ៊ុន vivo ក៏នឹងបញ្ចេញនូវថេប្លេតថ្មីរបស់ពួកគេផងដែរ៕
