ទីបំផុត! ក្រុមហ៊ុន Xiaomi បានធ្វើការប្រកាសជាផ្លូវការថា ពួកគេនឹងសម្ពោធបញ្ចេញនូវស្មាតហ្វូន Xiaomi 15 Ultra និងរថយន្តអគ្គិសនី SU7 Ultra នៅក្នុងព្រឹត្តិការណ៍មួយក្នុងប្រទេសចិននៅក្នុងថ្ងៃទី 27 ខែកុម្ភៈ ឆ្នាំ២០២៥ ខាងមុខនេះ។
ក្នុងនោះ Xiaomi 15 Ultra នឹងប្រើប្រាស់នូវសេនស័រទំហំ 50MP 23mm 1″ សម្រាប់កាមេរ៉ាគោលមាន f/1.63 aperture បូករួមជាមួយលេន 50MP 14mm ultra-wide មាន f/2.2 aperture, លេន 50MP telephoto មាន f/1.8 aperture គាំទ្រការថត 10cm telemacro និងលេន 200MP periscope telephoto មាន f/2.2 aperture គាំទ្រការពង្រីក 200mm / 400mm និងការថត 28x lossless zoom ។
លើសពីនេះ Xiaomi 15 Ultra នឹងទទួលបានអេក្រង់កម្រិត 2K ដំណើរការដោយឈីប Snapdragon 8 Elite SoC និងទទួលបានថាមពលថ្មដល់ 6000mAh គាំទ្រការ 90W តាមខ្សែ និងការសាកឥតខ្សែកម្លាំង 50W ។
គួរបញ្ជាក់ថា ព្រឹត្តិការណ៍សម្ពោធ Xiaomi 15 Ultra China នៅថ្ងៃទី 27 ខែកុម្ភៈ នឹងចាប់ផ្តើមនៅម៉ោង 7PM (ម៉ោងនៅប្រទេសចិន) (4:30PM IST) ហើយវាក៏នឹងត្រូវបានបង្ហាញសម្រាប់ទីផ្សារពិភពលោកនៅថ្ងៃទី 2 ខែមីនា ផងដែរ ពោលគឺធ្វើឡើងមុនព្រឹត្តិការណ៍ MWC 2025 ។ ខណៈរថយន្ត Xiaomi SU7 Ultra នឹងត្រូវបានបង្ហាញសម្រាប់ទីផ្សារពិភពលោកជាលើកដំបូងនៅឯព្រឹត្តិការណ៍ MWC 2025 នេះបើតាមការបញ្ជាក់របស់ក្រុមហ៊ុន៕