ក្រុមហ៊ុនបច្ចេកវិទ្យាធំបំផុតក្នុងពិភពលោក Microsoft បានប្រកាសចាប់ដៃគូ និងសហការគ្នាជាមួយក្រុមហ៊ុន Teachable AI Experiences និង Ninja របស់ Xbox Game Studios ដើម្បីបង្កើតម៉ូដែល AI ថ្មីមួយឈ្មោះថា Muse ដែលវាត្រូវបានរចនាឡើងដើម្បីជួយក្នុងការអភិវឌ្ឍន៍ បង្កើត និងសាកល្បងហ្គេមថ្មីៗ។
ក្នុងនោះ AI មួយនេះ ត្រូវបានបណ្តុះបណ្តាលលើប៉ារ៉ាម៉ែត្រ ( parameter) ចំនួន 1.6 ពាន់លានប៉ារ៉ាម៉ែត្រ និងរូបភាពចំនួន 1 ពាន់លានរូបភាព។
គួរបញ្ជាក់ថា Muse អាចបង្កើតរូបភាពហ្គេម និងសកម្មភាពដោយផ្អែកលើការយល់ដឹង 3D នៃហ្គេម ដោយទិន្នន័យដែលត្រូវបានប្រើប្រាស់សម្រាប់បណ្តុះបណ្តាល Muse ត្រូវបានប្រមូលពីអ្នកលេងហ្គេមដែលបានផ្តល់ការយល់ព្រម ដោយម៉ូដែលនេះដំណើរការជាមួយរូបភាពក្នុងកម្រិត 300 × 180px និងទិន្នន័យរបស់អ្នកបង្កើត។
ជាមួយគ្នានេះ Muse និងទិន្នន័យគំរូរបស់វាត្រូវបានដាក់ឲដំណើរការនៅលើ Azure AI Foundry ហើយអ្នកអភិវឌ្ឍន៍អាចសាកល្បង Muse តាមរយៈ Copilot Labs នៅឆ្នាំនេះបាន៕