មកលើកនេះ អាចនិយាយបានថា OPPO Find N5 ពិតជាស្មាតហ្វូនបត់ដែលកម្រាស់ស្តើងបំផុតនៅក្នុងចំណោមស្មាតហ្វូនបត់ដ៏ទៃៗដែលបងប្អូនគួរតែពិចារណា ដោយជំនាន់ថ្មីនេះ មានបំពាក់ជាមួយបច្ចេកវិទ្យាទំនើបៗជាច្រើន ដើម្បីផ្តល់បទពិសោធន៍ប្រើប្រាស់ល្អប្រសើរ ជាពិសេសក្នុងផ្នែកដំណើរការ កាមេរ៉ា និងបច្ចេកវិទ្យា AI ។
មួយម៉ូឌែលថ្មីរបស់ OPPO នេះ ប្រើបន្ទះឈីប Snapdragon 8 Elite ភ្ជាប់មកជាមួយនឹង RAM រហូតដល់ 16GB និងអង្គផ្ទុកទិន្នន័យរហូតដល់ 512GB សម្រាប់ទីផ្សារសកល និង 1 TB សម្រាប់ទីផ្សារប្រទេសចិន។ វារត់នៅលើ Android 15 និង ColorOS 15 ដែលក្រុមហ៊ុន OPPO ផ្ទាល់ បានសន្យាថានឹងផ្តល់ជូននូវការអាប់ឌែតប្រព័ន្ធសុវត្ថិភាពក្នុងរយៈពេល ៥ឆ្នាំ រួមជាមួយនឹងការបញ្ជូលនូវមុខងារ AI ជាច្រើនផងដែរ មានដូចជា enhanced multitasking, AI call summary និង AI search ។
លើសពីនេះទៀត ក្រុមហ៊ុនមួយនេះក៏បានណែនាំមុខងារថ្មី O+ Connect សម្រាប់ MacBook ផងដែរ ដែលអនុញ្ញាតឱ្យប្រើប្រាស់អាចមើលរូបភាពនៅលើទូរស័ព្ទពី Mac ផ្ទាល់ និងអាចចូលប្រើឯកសារនៅលើទូរស័ព្ទពីចម្ងាយនៅគ្រប់ទីកន្លែងផងដែរ។
ក្នុងផ្នែកកាមេរ៉ា OPPO Find N5 បានបំពាក់ជាមួយលេនគោល 50MP មាន aperture f/1.8 និង OIS រួមជាមួយលេន ultra-wide 8MP និងលេន periscope telephoto 50MP អាចថត 6x optical zoom, 30x digital zoom, 10cm telemacro និង Hasselblad camera features ។ ទន្ទឹមនឹងនេះ កាមេរ៉ាផ្នែកខាងមុខមានទំហំត្រឹមតែ 8MP ប៉ុណ្ណោះ ប៉ុណ្ណោះអាចថតបាន up to 4K ។
ទៅលើផ្នែកអេក្រង់ OPPO Find N5 ការពារដោយកញ្ជក់ Ultra Thin Glass protection ប្រើប្រាស់នូវអេក្រង់ LTPO AMOLED 120 Hz ដែលនៅពេលបើកមានទំហំ ៨,១២ អ៊ីញ, Resolution 2K និងកម្រិតពន្លឺ 2100 nits ចំណែកនៅពេលបត់វិញគឺមានទំហំ ៦,៦២ អ៊ីញ, Resolution FHD+ និងកម្រិតពន្លឺខ្ពស់ដល់ 2450 nits ។
ទូរស័ព្ទមួយនេះ បំពាក់ថាមពលថ្ម 5,600mAh អាចប្រើបានយូរជាងមុន និងគាំទ្រការសាកលឿន 80W តាមខ្សែ អាចសាកពី 0% ទៅ 100% ក្នុងរយៈពេល ៤២ នាទី ប៉ុណ្ណោះ។ ប៉ុន្តែវាក៏មានគាំទ្រការសាកឥតខ្សែកម្លាំង 50W ផងដែរ។
ចំណែកការរចនា OPPO Find N5 ប្រើប្រាស់នូវ titanium flexion hinge ដែលជាបច្ចេកវិទ្យា 3D alloy titanium alloy ជំនាន់ទី៥ ដែលផ្នែកបត់បានកម្រាស់ត្រឹមតែ 0.15mm ប៉ុណ្ណោះ គឺស្តើងជាងមុនដល់ទៅ 26% ខណៈភាពរឹងវិញត្រូវបានកើនឡើងចំនួន 36% នេះបើយោងតាមការប្រៀបធៀបទៅនឹងជំនាន់មុន និងអាចបត់បានចំនួនដល់ទៅ 100,000 ដង។
គួរបញ្ជាក់ផងថា ទូរស័ព្ទនេះ មានកម្រាស់ 8.93mm នៅពេលបត់ និងមានកម្រាស់ត្រឹមតែ 4.21mm ប៉ុណ្ណោះ នៅពេលបើក ជាមួយទម្ងន់ ២២៩ក្រាម និងធ្វើឲវាក្លាយជាស្មាតហ្វូនបត់ដែលស្តើងជាងគេនៅក្នុងពេលបច្ចុប្បន្ននេះ។
ក្នុងនោះ ទូរស័ព្ទនេះ មានជម្រើសពណ៌ចំនួន ២ សម្រាប់ជ្រើសរើសរួមមានពណ៌ Misty White និង Cosmic Black សម្រាប់ទីផ្សារសកលដែលនៅក្នុងប្រទេស Singapore វាមានតម្លៃលក់ខ្ទង់ ១ ៨៧០ ដុល្លារ សម្រាប់ជម្រើស 16GB+512GB ប៉ុន្តែសម្រាប់ប្រទេសចិនវិញ វាទទួលបានជម្រើសពណ៌ Dusk Purple បន្ថែម ជាមួយនឹងខ្នងផ្នែកខាងក្រោយជាប្រភេទស្បែកមានតម្លៃលក់ចាប់ពី ១ ២៣៥ ដុល្លារ សម្រាប់ជម្រើស 12GB+256GB ដល់ ១ ៥១០ ដុល្លារ សម្រាប់ជម្រើស top-end 16GB+1TB ដែលជាជម្រើសដ៏ពិសេសដែលអាចតភ្ជាប់ផ្កាយរណបបាន។
បន្ថែមលើនេះ OPPO Find N5 ក៏មានការគាំទ្រការតភ្ជាប់ 5G, Wi-Fi 6, Bluetooth 5.3 និងអាវការពារ IPX6/IPX8/IPX9 ផងដែរ៕