ក្រុមហ៊ុន GoPro បានប្រកាសដាក់លក់ជាផ្លូវការនូវកាមេរ៉ា GoPro MAX 360 ដែលជាកាមេរ៉ាថតវីដេអូ 360 ដឺក្រេ ជំនាន់ថ្មី អាចថតវីដេអូបានក្នុងកម្រិតភាពច្បាស់ 5.6K និង 1440p (Single Len) ព្រមទាំងអាចបំប្លែងទៅ 4K ដោយស្វ័យប្រវត្តិថែមទៀតផង ជាមួយតម្លៃលក់ខ្ទង់ 443 ដុល្លារ នៅក្នុងទីផ្សារប្រទេសឥណ្ឌា។
សម្រាប់កាមេរ៉ានេះ អាចថតវីដេអូបានច្រើនជម្រើសដូចជា Narrow, Linear, Wide និង Max SuperView ។ លើសពីនេះ កាមេរ៉ានេះក៏ទទួលបាននូវអាវការពារទឹកផងដែរអាចដាក់ក្នុងទឹកបានដល់ជម្រៅ 4.88 ម៉ែត្រ និងទទួលបានរន្ធមីក្រូហ្វូនចំនួន 6 ដើម្បីបង្កើនគុណភាពសំឡេង និងកាត់បន្ថយសំឡេងខ្យល់។ ចំណែកផ្នែកថាមពលថ្ម វាប្រើថ្ម Enduro ដែលអាចប្រើបានយូរនៅក្នុងសីតុណ្ហភាពត្រជាក់។
ជាមួយគ្នានេះ សម្រាប់កម្មវិធី GoPro Quik បានបន្ថែមនូវមុខងារ AI Object Tracking សម្រាប់កំណត់ Keyframes និង CameraFX ដោយស្វ័យប្រវត្តិ។ ចំណែកអ្នកប្រើប្រាស់កុំព្យូទ័រវិញ ក្រុមហ៊ុន GoPro បានចេញកម្មវិធី Reframe Plugin សម្រាប់ Adobe Premiere Pro និង After Effects ដើម្បីអាចកែសម្រួលវីដេអូប្រភេទ 360 ដឺក្រេ និង 2D ៕