ក្រុមហ៊ុន Apple ទើបតែបានប្រកាសបញ្ចេញនូវ iPhone 16e ថ្មី ដែលជាស្មាតហ្វូនចុងក្រោយបំផុតរបស់ក្រុមហ៊ុននៅក្នុងត្រកូល iPhone 16 ដោយជំនួសតំណែងរបស់ iPhone SE ចាស់ដែលត្រូវបានណែនាំនៅឆ្នាំ 2022។
មកលើកនេះ ទទួលបានអេក្រង់ 60Hz Super Retina XDR OLED ទំហំ 6.1 អ៊ីញ ធំជាងមុន ជាមួយនឹងប្រព័ន្ធ TrueDepth camera system សម្រាប់គាំទ្រមុខងារ Face ID ។
ទៅលើផ្នែកឈីប, វាជំនួស A15 ជាមួយនឹង A18 និង iOS 18.4, ប្រើប្រាស់នូវបច្ចេកវិទ្យា 3nm ជំនាន់ទី ២ មានកម្លាំងម៉ាសុីន 16-core neural engine សម្រាប់ធ្វើឱ្យប្រសើរឡើងលើការដំណើរការ Apple Intelligence ។
លើសពីនេះ វាក៏ទទួលបាន Action button និងម៉ូដឹម 5G ដំបូងរបស់ Apple ផងដែរ ជាមួយនឹងការរចនាផ្នែកខាងក្នុងថ្មីទាំងអស់ ដែលនៅក្នុងប្រទេសមួយចំនួន វាអាចដំណើរការលើមុខងារ Emergency SOS, Roadside Assistance, Messages និង Find My via satellite តាមរយៈផ្កាយរណបបានផងដែរ។
សម្រាប់ផ្នែកកាមេរ៉ា ទទួលបានតែមួយប៉ុណ្ណោះទំហំ 48MP នៅផ្នែកខាងក្រោយ មាន aperture ធំជាងមុន f/1.6 និងមុខងារ optical image stabilization អាចថត 2x “optical-quality” Telephoto បានផ្ទាល់តែម្តង នេះបើយោងតាមក្រុមហ៊ុន Apple និង កាមេរ៉ា 12MP នៅផ្នែកខាងមុខមាន aperture f/1.9 ។
ចំពោះ iPhone 16e នេះ នៅតែគាំទ្រ Wi-Fi 6 និង Bluetooth 5.3 ដដែល ប៉ុន្តែភ្ជាប់មកជាមួយថ្មធំជាងមុន អាចសាកជាមួយខ្សែ USB Type-C 2.0 បានចំនួន ៥០ភាគរយ ប្រើពេលខ្ទង់ ៣០នាទី ។ រួមជាមួយនឹងអាវការពារកម្រិត IP68 សម្រាប់ទប់ទល់នឹងធូលី និងទឹក ជាមួយនឹងជម្រើសពណ៌ស និងពណ៌ខ្មៅ មានតម្លៃលក់ចាបពី ៥៩៩ ដុល្លារ នៅក្នុងទីផ្សារសហរដ្ឋអាមេរិក សម្រាប់ជម្រើស 8GB + 128GB ៕