ក្រុមហ៊ុន OnePlus បានអះអាងថា នឹងមិនមានការបញ្ចេញ OnePlus Open 2 ក្នុងឆ្នាំ 2025 ទេ ទោះបីជាមានព័ត៌មានលេចធ្លាយអំពីម៉ូដែលថ្មីនេះក៏ដោយ។ ក្នុងនោះ កាលដែលក្រុមហ៊ុន OnePlus មិនមានការបញ្ចេញ OnePlus Open 2 ក្នុងឆ្នាំ 2025 នេះ ត្រូវបានរាយការណ៍ថា កើតឡើងដោយសារទីផ្សារនៃការលក់ទូរស័ព្ទបត់ OnePlus Open របស់ពួកគេពុំទទួលបានភាពល្អប្រសើរ ពោលគឺមានចំនួនលក់តិច។
ជំនួសឱ្យការបញ្ចេញម៉ូដែលថ្មី OnePlus Open 2, ក្រុមហ៊ុនក៏បានបញ្ចេញកំណែពិសេស Open Apex Edition ផងដែរ មានពណ៌ក្រហម Crimson Shadow ជាមួយ RAM 16GB និងទំហំផ្ទុក 1TB និង VIP Mode សម្រាប់អ្នកប្រើប្រាស់ដែលចង់ទទួលបានបទពិសោធន៍ប្រើប្រាស់ខ្ពស់។
ជាមួយគ្នានេះ ក្រុមហ៊ុន OnePlus ក៏បានបញ្ជាក់ថា ពួកគេនឹងបន្តការអភិវឌ្ឍលើទូរស័ព្ទដែលអាចបត់បាន និងរួមបញ្ចូលបច្ចេកវិទ្យា Hardware ថ្មីពី OPPO Find N5 មកលើទូរស័ព្ទបត់របស់ពួកគេនាពេលអនាគត។
គួរបញ្ជាក់ថា ចំពោះម្ចាស់ OnePlus Open បច្ចុប្បន្ន ក្រុមហ៊ុនក៏បានធានាថា នឹងបន្តផ្តល់ការគាំទ្រក្នុងការអាប់ដេតកម្មវិធី អាប់ដេតសុវត្ថិភាព និងសេវាកម្មដដែលថែមទៀតផង៕