ក្រុមហ៊ុនផលិតស្មាតហ្វូន Realme បានធ្វើការប្រកាសដាក់បង្ហាញចេញជាផ្លូវការនូវស្មាតហ្វូនសេរ៊ីថ្មីដ៏ពិសេសគឺ Realme GT 7 Pro Racing Edition ជាមួយតម្លៃលក់ចាប់ពី ៤២៥ ដុល្លារ ដល់ ៥៥០ ដុល្លារ នៅក្នុងទីផ្សារប្រទេសចិន។
ពាណិជ្ជកម្ម
ស្មាតហ្វូន Realme GT 7 Pro Racing Edition ទទួលបានអេក្រង់កោងប្រភេទ BOE S2 OLED ទំហំ ៦,៧៨អ៊ីញ 120Hz មានកម្រិតបង្ហាញ 1.5K (2780×1264 pixels) និងកម្រិតពន្លឺ 6,000 nits ដំណើរការដោយបន្ទះឈីប Snapdragon 8 Elite ទំហំ 3nm ជាមួយប្រព័ន្ធប្រតិបត្តិការ Android 15 នៅលើ realme UI 6.0 និងទទួលបាន RAM 12GB / 16GB ប្រភេទ LPDDR5x និងអង្គផ្ទុក 256GB / 512GB ប្រភេទ UFS 4.1 ព្រមទាំងប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន (ប្រើ optical in-display sensor មិនមាន ultrasonic fingerprint sensor ទេ)។
បើនិយាយពីផ្នែកកាមេរ៉ា មានបំពាក់នូវកាមេរ៉ាគោលទំហំ 50MP ប្រើប្រាស់សេនស័រ Sony IMX896 មានមុខងារ OIS បូករួមជាមួយលេន ultra-wide 8MP (មិនមានលេន periscope telephoto ដូច Realme GT 7 Pro ទេ) ចំណែកកាមេរ៉ា selfie មានទំហំ 16MP ។
ចំណែកថាមពលថ្ម Realme GT 7 Pro Racing Edition ទទួលបានកញ្ជប់ថ្មទំហំ 6,500mAh គាំទ្រការសាកល្បឿនលឿន 120W អាចសាកឡើងបាន ៥០ភាគរយ ដោយចំណាយពេលត្រឹមតែ ១៤នាទី ប៉ុណ្ណោះ ។ លើសពីនេះទៅទៀត Realme GT 7 Pro Racing Edition ក៏គាំទ្រការសាកថ្ម bypass charging ផងដែរ ព្រមទាំងគាំទ្រការតភ្ជាប់ដូចជា 4G VoLTE, 5G, Wi-Fi 7, Bluetooth 5.4 និងទទួលបានរន្ធ USB Type-C audio, Stereo speakers ចំនួន ២ និងអាវការពារទឹក និងធូលីកម្រិត IP68+IP69 ជាដើម។
ចំពោះការរចនារបស់ស្មាតហ្វូន Realme GT 7 Pro Racing Edition មានកម្រាស់ ៨,៥៥ ម.ម និងទម្ងន់ ២១៨ ក្រាម ដែលផ្នែកខាងក្រោយមានការរចនាជាមួយស៊ុមអាលុយមីញ៉ូម និងទទួលបានជម្រើសពណ៌ Neptune Explorer Edition និង Star Trail Titanium ខណៈកញ្ចក់ជាប្រភេទ Corning Gorilla Glass Victus 2 ៕
