ក្រុមហ៊ុន OPPO បានបង្ហាញចេញនូវស្មាតហ្វូន Find X8 និង Find X8 Pro កាលពីឆ្នាំមុន ហើយឥឡូវនេះក្រុមហ៊ុនមួយនេះក៏ត្រូវបានបង្ហាញថានឹងកំពុងត្រៀមបង្ហាញចេញនូវស្មាតហ្វូនខ្នាតកំពូលគឺ Find X8 Ultra នៅពេលឆាប់ៗនេះផងដែរ។
បើយោងតាមព័ត៌មានបែកធ្លាយបាននិយាយថា OPPO Find X8 mini នឹងមិនមានឈ្មោះ “mini” ទៀតទេ ប៉ុន្តែវានឹងត្រូវហៅថា Find X8 ជំនួសវិញ ទោះបីជាមានអេក្រង់តូចជាង 6.3 អ៊ីញក៏ដោយ។ ចំណែក OPPO Find X9 Series វិញ នឹងមានការធ្វើបច្ចុប្បន្នភាពជាមួយការផ្លាស់ប្តូរម៉ូដែលខ្លះរួមមានម៉ូដែល Find X9, Find X9 Plus, Find X9 Pro និង Find X9 Ultra ។ លើសពីនេះ OPPO ក៏មានគម្រោងបំពាក់បច្ចេកវិទ្យាអេក្រង់ LTPO ទៅលើម៉ូដែលទាំងអស់ដើម្បីផ្តល់បទពិសោធន៍ប្រើប្រាស់ល្អប្រសើរជាងមុខផងដែរ។
គួរបញ្ជាក់ថា ស្មាតហ្វូន Find X8 Ultra និង Find X8 (ថ្មី) ឫក៏ Find X8 Mini ត្រូវបានរំពឹងថានឹងប្រកាសចេញនៅក្នុងខែមិនាខាងមុខនេះ ខណៈពេលដែល Find X9, Find X9 Plus និង Find X9 Pro គ្រោងចេញក្នុងត្រីមាសទី 4 ។ ចំណែក Find X9 Ultra អាចនឹងចេញនៅត្រីមាសទី 1 ឆ្នាំ 2026 ។
ក្នុងនោះ ក្រុមហ៊ុន OPPO ក៏មានគម្រោងលើកកម្ពស់បច្ចេកវិទ្យាកាមេរ៉ា កម្លាំងស៊ីភីយូ និងប្រព័ន្ធអេក្រង់ ដើម្បីប្រកួតជាមួយក្រុមហ៊ុនដទៃដូចជា Samsung, Apple និង Huawei ផងដែរ ដើម្បីពង្រឹងអាជីវកម្មរបស់ពួក និងបន្តប្រកួតក្នុងទីផ្សារស្មាតហ្វូនឆ្លាតវៃនៅឆ្នាំ 2025 និង 2026 ៕