ក្រុមហ៊ុន Apple បានបញ្ចេញកម្មវិធីថ្មីមួយហៅថា Apple Invites សម្រាប់ iPhone ដែលអនុញ្ញាតឱ្យអ្នកប្រើប្រាស់អាចបង្កើតការអញ្ជើញមិត្តភក្តិ ឫ Fan ចូលរួមព្រឹត្តិការណ៍ដូចជាពិធីជួបប្រជុំ ឬការប្រារព្ធពិធីផ្សេងៗជាដើម។ កម្មវិធីនេះ អាចប្រើបាននៅលើ iPhone ទាំងអស់ដែលដំណើរការចាប់ពី iOS 18 ហើយក៏អាចចូលប្រើតាមគេហទំព័រ icloud.com/invites បានផងដែរ។
ក្នុងនោះ អ្នកប្រើប្រាស់ Apple Invites ទាំងអស់អ្នកអាចបង្កើត ឫឌីស្សាញលិខិតអញ្ជើញដោយប្រើរូបភាពរបស់ខ្លួន ឬក៏ប្រើរូបភាពដែលមានស្រាប់ដែលបង្កើតដោយកម្មវិធីផ្ទាល់។ លើសពីនេះ លិខិតអញ្ជើញដែលត្រូវបានបង្កើត ឫក៏ឌីស្សាញនៅក្នុង Apple Invites ក៏បានរួមបញ្ចូលនូវព័ត៌មានអាកាសធាតុ និងទីតាំងពី Apple Maps និង Apple Weather ផងដែរ ដើម្បីជួយឲភ្ញៀវ ឫអ្នកចូលរួមកាន់តែមានភាពងាយស្រួលក្នុងការស្វែងរកទីតាំងព្រឹត្តិការណ៍។
អ្វីដែលកាន់តែពិសេសនោះគឺ ការអញ្ជើញនីមួយៗដែលបង្កើតដោយ Apple Invites គឺអនុញ្ញាតឱ្យអ្នកប្រើប្រាស់អាចរក្សារូបភាព បានទាំងអស់ពីព្រឹត្តិការណ៍ ដូច្នេះអ្នកប្រើប្រាស់គឺអាចមើលឡើងវិញបាននៅពេលក្រោយ។ ទន្ទឹមនឹងនេះ អ្នកប្រើប្រាស់ក៏អាចបង្កើតបញ្ជីចាក់តន្ត្រី Apple Music Playlists សម្រាប់ព្រឹត្តិការណ៍នោះបានផងដែរ មានន័យថាទាំងអ្នក និងភ្ញៀវ គឺអាចបន្ថែមបទចម្រៀងដែលពួកគេចូលចិត្តទៅក្នុងរូបភាពទាំងនោះបាន ដើម្បីទុកជាអនុស្សាវរីយ៍សម្រាប់មើល ឫស្តាប់កម្សាន្តនៅពេលក្រោយផងដែរ៕
