Asus ប្រកាសចេញ ROG Phone 9 FE ជាផ្លូវការ ប្រើឈីប Snapdragon 8 Gen 3 តម្លៃខ្ទង់ 890 ដុល្លារ

ក្រុមហ៊ុន Asus បានដាក់បង្ហាញចេញជាផ្លូវការនូវស្មាតហ្វូន ROG Phone 9 FE នៅក្នុងប្រទេសថៃ ជាមួយតម្លៃ 29,990 បាត ឫ 890 ដុល្លារ បន្ទាប់ពីប្រកាសចេញ ROG Phone 9 និង ROG Phone 9 Pro កាលពីខែវិច្ឆិកា ក្នុងឆ្នាំមុនគឺឆ្នាំ២០២៤។

ចំពោះ Asus ROG Phone 9 FE គឺមានរូបរាងស្រដៀងទៅនឹង ROG Phone 9 Pro បំពាក់ដោយអេក្រង់ 6.78 អ៊ីញ FullHD+ LTPO AMOLED 165Hz ឈានដល់ 185Hz នៅក្នុង Game Genie មានពន្លឺភ្លឺខ្លាំងបំផុត 2,500 nits និងកញ្ចក់ការពារ Gorilla Glass Victus 2  ។

ពាណិជ្ជកម្ម

ជាមួយគ្នានេះ ROG Phone 9 FE ដំណើរការដោយឈីប Snapdragon 8 Gen 3 ជាមួយ Android 15 និង ROG UI មាន RAM 16GB LPDDR5X និងអង្គផ្ទុកទិន្នន័យ 256GB ជាប្រភេទ UFS 4.0 ។

ផ្នែកកាមេរ៉ា មានកាមេរ៉ា 4 គ្រាប់ – លេនគោល 50MP ប្រើសេនស័រ Sony IMX890 មានOIS បូករួមជាមួយលេន 13MP ultrawide អាចថតបាន ១២០ដឺក្រេ, លេន 5MP macro និងលេន selfie ទំហំ 32MP  ។ ក្នុងនោះ ROG Phone 9 FE មានថាមពលថ្ម 5,500 mAh ជាមួយនឹងការសាកថ្មតាមខ្សែ 65W ។ ស្មាតហ្វូននេះក៏នឹងមានការគាំទ្រការសាកឥតខ្សែ និងមានរន្ធដោតកាសទំហំ ៣,៥ ម.ម ផងដែរ។

ស្មាតហ្វូននេះ ក៏នឹងមានអាវការពារកម្រិត IP68 និងគាំទ្រការភ្ជាប់ Wi-Fi 7 និងឧបករណ៍អានស្នាមម្រាមដៃលើអេក្រង់ផងដែរ។ មានកម្រាស់ 8.9 ម.ម ទម្ងន់ 225 ក្រាម និងភ្ជាប់មកជាមួយ AirTrigger controls និងជម្រើសពណ៌ Phantom Black តែមួយប៉ុណ្ណោះ៕

ប្រភពៈ​ GSMArena