យោងតាមនាយកប្រតិបត្តិរបស់ក្រុមហ៊ុន Apple បានប្រកាសថា នាពេលបច្ចុប្បន្ននេះ ពួកមានអ្នកប្រើប្រាស់ផលិតផល ឫឧបករណ៍ និងសេវាកម្មចំនួន 2.35 ពាន់លាននាក់ ដែលជាចំនួនអ្នកប្រើប្រាស់ច្រើនបំផុតដែលពុំធ្លាប់មានរបស់ក្រុមហ៊ុន ពោលគឺបានកើនឡើងចំនួន 150 លាននាក់ បើប្រៀបធៀបនឹងចំនួនអ្នកប្រើប្រាស់ 2.2 ពាន់លាននាក់ នៅក្នុងឆ្នាំ 2024 ។
ក្នុងនោះ គុណសម្បត្តិដែលស្ថិតនៅពីក្រោយភាពជោគជ័យមួយនេះ គឺ Apple Intelligence ទោះបីជាការលក់ iPhone ក្នុងឆ្នាំ ២០២៤ បានធ្លាក់ចុះ 1% ក៏ដោយ។
ខណៈពេលថ្មីៗនេះផងដែរ នាយកប្រតិបត្តិ Apple លោក Tim Cook បានប្រកាសថា នៅក្នុងខែមេសា ឆ្នាំ 2025 ពួកគេនឹងបន្ថែមការគាំទ្រភាសាជាច្រើនដល់ការគាំទ្ររបស់ Apple Intelligence នៅក្នុងប្រទេសមួយចំនួនទូទាំងពិភពលោក រួមមានភាសាបារាំង អាល្លឺម៉ង់ អ៊ីតាលី ព័រទុយហ្គាល់ អេស្ប៉ាញ ជប៉ុន កូរ៉េ វៀតណាម និងចិន។
គួរឲដឹងថា បច្ចុប្បន្ន Apple Intelligence ត្រូវបានដាក់ឲប្រើប្រាស់ ឫគាំទ្រនៅក្នុងប្រទេសមួយចំនួនប៉ុណ្ណោះ រួមមានសហរដ្ឋអាមេរិក ចក្រភពអង់គ្លេស អូស្ត្រាលី កាណាដា អៀរឡង់ នូវែលសេឡង់ និងអាហ្វ្រិកខាងត្បូង សម្រាប់ឧបករណ៍ Apple ដែលដំណើរការចាប់ពី iOS 18.2, iPadOS 18.2 និង macOS Sequoia 15.2