ក្រុមហ៊ុន Apple ត្រូវបានគេរាយការណ៍ថា បានលុបចោលគម្រោងអភិវឌ្ឍន៍វ៉ែនតា AR ដែលមានសមត្ថភាពភ្ជាប់ ឫ Connect ជាមួយ Macs ជាផ្លូវការហើយ ព្រោះបច្ចេកវិទ្យាដែលត្រូវការសម្រាប់ការអភិវឌ្ឍន៍វ៉ែនតានេះមានភាពស្មុគស្មាញខ្លាំង។
គួរឲដឹងថា វ៉ែនតា AR ថ្មី របស់ Apple ត្រូវបានរចនាឡើងដូចនឹងវ៉ែនតាធម្មតាសម្រាប់ប្រើប្រាស់ប្រចាំថ្ងៃ និងមានតម្លៃសមរម្យ ប៉ុន្តែមិនអាចដំណើរការផ្ទាល់តែម្តងដូច Vision Pro ទេ ពោលគឺវ៉ែនតានេះត្រូវការភ្ជាប់ ឫ Connect ជាមួយ Macs ទើបអាចបញ្ចាំង ឫបង្ហាញព័ត៌មាន, រូបភាព និងវីដេអូបាន។
ទោះបីជាយ៉ាងណាក៏ដោយ ក្រុមហ៊ុន Apple ក៏បានពិចារណាក្នុងការអភិវឌ្ឍន៍ផលិតផលថ្មីៗដែលអាចភ្ជាប់ជាមួយ Macs និងមានប្រសិទ្ធភាពកាន់តែខ្ពស់ផងដែរ។ ប៉ុន្តែការលុបចោលគម្រោងអភិវឌ្ឍន៍វ៉ែនតា AR នេះ ក៏បានផ្តល់ឱកាសដល់ក្រុមហ៊ុន Meta ដែលកំពុងមានប្រជាប្រិយភាពក្នុងការលក់វ៉ែនតាឆ្លាតវៃ Ray-Ban smart glasses របស់ពួកគេផងដែរ ដោយមានការលក់ប្រមាណជាងមួយលានគ្រឿងរួចហើយ ខណៈក្រុមហ៊ុនមួយនេះក៏កំពុងធ្វើការអភិវឌ្ឍន៍វ៉ែនតាឆ្លាតវៃ AR ថ្មី ដែលគ្រោងនឹងចេញនៅឆ្នាំ 2027 ខាងមុខផងដែរ៕