យោងតាមទិន្នន័យផ្លូវការមួយ បានបង្ហាញឲ្យឃើញថា កំណើននៃការនាំចេញរបស់ចិន បានកើនឡើងដល់កម្រិតខ្ពស់បំផុតក្នុងរយៈពេលជាងពីរទសវត្សរ៍មកនេះ ក្រោយពីទទួលរងការវាយប្រហារពីជំងឺកូវីដ១៩។
ការនាំចេញគ្រឿងអេឡិចត្រូនិក និងវាយនភ័ណ្ឌ ដូចជា ម៉ាស ជាដើម បានជួយជំរុញដល់ការនាំចេញទៅក្រៅប្រទេសដោយសារតែតម្រូវការផ្គត់ផ្គង់ពី កន្លែងធ្វើការពីផ្ទះ (work-from-home) និងឧបករណ៍ការពារប្រឆាំងនឹងការផ្ទុះឡើងនៃជំងឺកូវីដ១៩ បានកើនឡើងយ៉ាងខ្លាំងក្នុងពេលមានការរាតត្បាតនេះ។
ទិន្នន័យផ្លូវការបានបង្ហាញថា ការនាំចេញបានកើនឡើង ៦០,៦% ក្នុងសន្ទស្សន៍ប្រចាំឆ្នាំ នៃខែមករា-កុម្ភៈ ពោលគឺខ្ពស់ជាងការរំពឹងទុករបស់អ្នកវិភាគ ខណៈដែលការនាំចូលកើនឡើង ២២,២% ។ តួលេខចុងក្រោយ គឺផ្ទុយស្រឡះពីការធ្លាក់ចុះកាលពីឆ្នាំមុន ដែលមានប្រហែល ១៧% នៃការនាំចេញ និង ៤% ធ្លាក់ចុះនៃការនាំចូល។
គួរឲ្យដឹងថា ប្រទេសចិនបានព្យាយាមយ៉ាងខ្លាំងក្នុងការទប់ស្កាត់ការរីករាលដាលនៃជំងឺកូវីដ១៩ ដោយអតិថិជនស្នាក់នៅផ្ទះ និងអាជីវកម្មមើលឃើញការវិលត្រឡប់មកវិញជាបណ្តើរៗ៕