យោងតាមសារព័ត៌មានបែកធ្លាយបាននិយាយថា ស្មាតហ្វូន Pixel 9a របស់ Google នឹងមកដល់នៅពាក់កណ្តាលខែមិនា ខាងមុខនេះ ដោយម៉ូដែលកម្រិតដំបូងដែលមានអង្គផ្ទុកទិន្នន័យ 128GB នឹងមានតម្លៃលក់ $499 ដូចនឹង Pixel 8a ដែលបានធ្វើប្រកាសចេញកាលពីឆ្នាំមុនដែល ហើយកំណែ 256GB នឹងមានតម្លៃលក់ $599 ថ្លៃជាង 40$ បើធៀបនឹងកំណែ 256GB របស់ Pixel 8a ។
ក្នុងនោះ រចនាសម្ព័នតម្លៃថ្មីនេះគឺស្របតាមអ្វីដែល Google បានចាប់ផ្តើមធ្វើជាមួយនឹងការចេញលក់ត្រកូល Pixel 9 កាលពីខែសីហាដែរ ដែលម៉ូដែល 256GB គឺតែងតែមានតម្លៃលក់ថ្លៃជាងទំហំ 128GB ។
ជាមួយគ្នានេះ Pixel 9a នឹងមានអេក្រង់ទំហំ 6.285 អ៊ីញ មានកម្រិតពន្លឺខ្ពស់បំផុត 2,700-nit និងកម្រិតពន្លឺ HDR 1,800-nit, ប្រើប្រាស់នូវឈីប Tensor G4 SoC មាន RAM ចាប់ពី 8GB, កាមេរ៉ាមេ 48 MP, លេន 13 MP ultrawide និងថ្ម 5,100 mAh ដែលជាជាថ្មមានទំហំធំបំផុតមិនធ្លាប់មាននៅក្នុងត្រកូល Pixel ៕