យោងតាមសារព័ត៌មានរបស់ប្រទេសឥណ្ឌាបាននិយាយថា ក្រុមហ៊ុនផលិតស្មាតហ្វូន vivo នឹងបញ្ចេញស្មាតហ្វូនសេរ៊ីថ្មីចំនួន ១ ម៉ូឌែល នៅក្នុងត្រកូល vivo V50 Series របស់ខ្លួននៅក្នុងប្រទេសឥណ្ឌាក្នុងពេលឆាប់ៗនេះ ពោលគឺអាចប្រកាសចេញនៅក្នុងខែ កុម្ភៈ។
ក្នុងនោះស្មាតហ្វូនសេរ៊ីថ្មីនេះត្រូវបានអះអាងថាជា vivo V50 ធម្មតា នេងបើយោងតាមរូបថតដែលថតដោយ NCC ពោលគឺមិនមែនជា V50e ឫក៏ V50 Pro នោះទេ។ ជាមួយគ្នានេះ Vivo V50 អាចនឹងត្រូវបានបំពាក់ដោយឈីប Snapdragon 7 Gen 3 មាន RAM និងអង្គផ្ទុក 8/128GB, 8/256GB និង 12/512GB ។
ចំពោះការរចនា V50 គឺនឹងមានរូបរាងស្រដៀងនឹង vivo S20 ។ គួរឲដឹងថាតាមពិត V30 និង V40 ក៏ប្រើបន្ទះឈីបដូចគ្នាដែរ។ ព្រមទាំងអាចមានថាមពលថ្ម 6,000mAh និងឆ្នាំងសាក 90W។ ដោយផ្អែកលើ S20 យើងអាចរំពឹងថា V50 នឹងមានអេក្រង់ OLED ទំហំ ៦,៦៧អ៊ីញ 120Hz កាមេរ៉ាទំហំ 50+8MP និងជម្រើសពណ៌ ខៀវ ផ្កាឈូក ក្រហម និងប្រផេះ៕