យោងតាមពាក្យចចាមអារ៉ាមថ្មីពី Digital Chat Station នៅលើ Weibo បាននិយាយថា ស្មាតហ្វូនខ្នាតកំពូល Oppo Find X8 Ultra របស់ Oppo នឹងក្លាយជាស្មាតហ្វូន Ultra ដំបូងបំផុតដែលនឹងបង្ហាញខ្លួនជាមួយនឹងអេក្រង់រាបស្មើនៅក្នុងឆ្នាំនេះ។
ក្នុងនោះ ស្មាតហ្វូននេះ នឹងមាន bezels ឫគែមស្តើងខ្លាំង ដែលកំពុងនិយមនាពេលបច្ចុប្បន្ននេះ។ ជាមួយនេះ អេក្រង់កោងគឺអាចនឹងមិនស្ថិតនៅក្នុងគម្រោងរបស់ Oppo Find X Ultra ទៀតនោះទេ បន្ទាប់ពីក្រុមហ៊ុន Samsung បានត្រួសត្រាយផ្លូវ និងមានការទទួលយកដោយសាទរដោយក្រុមហ៊ុនផលិតស្មាតហ្វូនចិនអស់រយៈពេលពីរបីឆ្នាំមកហើយក្នុងការប្រើប្រាស់នូវអេក្រង់រាបស្មើវិញ។
ទន្ទឹមនឹងនេះ Find X8 Ultra មានពាក្យចចាមអារ៉ាមថានឹងមកជាមួយកាមេរ៉ា telephoto macro ដោយប្រើសេនស័រ Sony Lytia LYT-701 ទំហំ 50 MP គាំទ្រការថត 3x optical zoom និង OIS បូករួមជាមួយកាមេរ៉ាមេទំហំ 50 MP ប្រើសេនស័រ Sony Lytia LYT-900 sensor ជាមួយនឹង OIS, កាមេរ៉ា telephoto periscope 50 MP គាំទ្រការថត 6x optical zoom និង 50 MP ultrawide ផងដែរ។
គួរឲដឹងថា Find X8 Ultra ត្រូវបានគេរំពឹងថានឹងបង្ហាញខ្លួនជាមួយនឹង Find X8 Mini នៅក្នុងខែកុម្ភៈ។ វាក៏នឹងទទួលបានឧបករណ៍ចាប់សញ្ញាស្នាមម្រាមដៃក្នុងអេក្រង់ ultrasonic ជំនួយទំនាក់ទំនងផ្កាយរណប និងថាមពលថ្ម 6,000 mAh ជាមួយនឹងការគាំទ្រសម្រាប់ការសាកតាមខ្សែកម្លាំង 80W និង 50W ឥតខ្សែផងដែរ៕