ក្រុមហ៊ុន Apple ត្រូវបានគេរាយការណ៍ថា កំពុងពិភាក្សាជាមួយក្រុមហ៊ុន Bharat Forge ដែលជាផ្នែកមួយនៃក្រុមហ៊ុន Kalyani Group ដើម្បីពង្រីកការផលិត ឫផ្គត់ផ្គង់គ្រឿងបន្លាស់មេកានិចនៅក្នុងប្រទេសឥណ្ឌា។ ប្រសិនបើការពិភាក្សាបញ្ចប់ដោយជោគជ័យ នោះ Bharat Forge នឹងក្លាយជាក្រុមហ៊ុនផលិតគ្រឿងបន្លាស់មេកានិចរបស់ Apple ចំនួន ១បន្ថែមទៀត។
ចំពោះការចរចារនេះ គឺជាផ្នែកមួយនៃយុទ្ធសាស្រ្តរបស់ Apple ក្នុងការពង្រីកការផលិតនៅឥណ្ឌា ដោយមានគោលដៅកាត់បន្ថយការពឹងផ្អែកលើប្រទេសចិន និងបង្កើនតម្លៃបន្ថែមក្នុងស្រុក។
ជាមួយគ្នានេះ បច្ចុប្បន្ន Apple មានរោងចក្រផលិត iPhone ចំនួន ៣ នៅឥណ្ឌា ដំណើរការដោយ Foxconn និង Tata Group។ គួរឱ្យដឹងថា Apple ក៏បានអញ្ជើញក្រុមហ៊ុនផ្គត់ផ្គង់សំខាន់ៗពីប្រទេសចិន ជប៉ុន និងតៃវ៉ាន់មកបង្កើតប្រតិបត្តិការនៅក្នុងប្រទេសឥណ្ឌាផងដែរមានដូចជា ក្រុមហ៊ុន Sunwoda (ផលិតថ្ម), Foxlink (ផលិតខ្សែ) និង Salcomp (ផលិតឧបករណ៍សាកថ្ម)។
ពាណិជ្ជកម្ម
គួរបញ្ជាក់ថា ក្រុមហ៊ុន Bharat Forge មានជំនាញក្នុងការផលិតគ្រឿងបន្លាស់សំខាន់ៗ សម្រាប់ឧស្សាហកម្មផ្សេងៗ ដូចជា រថយន្ត ថាមពល លំហអាកាស និងគ្រឿងសម្ភារៈការពារជាតិ៕