ក្រុមហ៊ុន Samsung បានប្រកាសបង្ហាញចេញនូវទូរស័ព្ទដៃ Galaxy S25 Ultra ជាផ្លូវការ មានតម្លៃលក់ចាប់ពី ១ ២៩៩ ដុល្លារ ដល់ ១ ៦៥៩ ដុល្លារ នៅក្នុងទីផ្សារសហរដ្ឋអាមេរិក។
ពាណិជ្ជកម្ម
សម្រាប់ទូរស័ព្ទដៃ Galaxy S25 Ultra ទទួលបានអេក្រង់ Quad HD+ Infinity-O-Edge Dynamic AMOLED Display ទំហំ ៦,៩ អ៊ីញ 120Hz ធំជាងមុន ១អ៊ីញ បំពាក់នូវកញ្ចក់ Corning Gorilla Armor 2 ក៏ដូចជា Gorilla Glass Victus 2 ដំណើរការដោយបន្ទះឈីប Snapdragon 8 Elite ជាមួយប្រព័ន្ធប្រតិបត្តិការ Android 15 នៅលើ One UI 7 ចេញពីប្រអប់ អាចអាប់ឌែតបាន ៧ឆ្នាំ និងទទួលបាន RAM 12GB / 16GB និងអង្គផ្ទុក 256GB / 512GB / 1TB ប្រភេទ UFS 4.0 ព្រមទាំងអាចប្រើប្រាស់សុីមបានចំនួន២ និងមានម៉ាសុីនស្កេន ultrasonic ។
ចំពោះផ្នែកកាមេរ៉ាវិញ Galaxy S25 Ultra នឹងទទួលបានកាម៉េរ៉ាគោលខាងក្រោយទំហំ 200MP មានមុខងារជំនួយលំនឹង OIS រួមជាមួយនឹងលេនទូលាយ Ultra-Wide ថ្មីទំហំ 50MP អាចថតបានមុំ ១២០ដឺក្រេ និងលេន Telephoto ទំហំ 10MP គាំទ្រ 3x zoom និង OIS និងលេន Periscope ទំហំ 50MP គាំទ្រការថត 5x zoom, 100x Space Zoom, Laser autofocus, 4K 60 fps, 8K 30fps និង LED Flash ខណៈកាមេរ៉ាផ្នែកខាងមុខនឹងមានទំហំ 12MP ។
ចំណែកផ្នែកថាមពលថ្ម ទទួលបានកញ្ជប់ថ្មដដែលទំហំ 5,000mAh គាំទ្រការសាកតាមខ្សែកម្លាំង 45W និងឥតខ្សែ 25W។ លើសពីនេះទៅទៀត ទូរស័ព្ទនេះ នឹងមានបំពាក់ជាមួយអាវការពារធូលី និងទឹកកម្រិត IP68 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.3, GPS និង USB Type-C ។
ក្នុងនោះ ការរចនារបស់ទូរស័ព្ទដៃ Galaxy S25 Ultra មានកម្រាស់ស្តើង និងស្រាលជាងមុនត្រឹម ៨,២ ម.ម និងទម្ងន់ ២១៨ ក្រាម ប៉ុណ្ណោះ មានតួជ្រុង តែមានជ្រុងកោង និងទទួលបានជម្រើសពណ៌ Titanium Black, Titanium Gray, Titanium Silver Blue និង Titanium White Silver ។
ចំពោះមុខងារ AI បានដាក់បញ្ជូលមុខងារថ្មីៗដូចជា Now Bar សម្រាប់បង្ហាញសារដំណឹងនៅលើអេក្រង់ភ្លាមៗ ក៏ដូចជាមុខងារ Now Brief ជួយសង្ខេបសកម្មភាពប្រចាំថ្ងៃរបស់អ្នកប្រើប្រាស់ និង Galaxy AI ក៏ត្រូវបានអាប់ដេតឲ្យឆ្លាតវៃជាងមុនផងដែរ៕