ក្រុមហ៊ុនផលិតទូរស័ព្ទដៃ realme បានធ្វើការប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី realme 14 Pro 5G ដែលជាស្មាតហ្វូនខ្នាតថវិកា ជាមួយតម្លៃលក់ចាប់ពី ២៩៩ ដុល្លារ ដល់ ៣២៣ ដុល្លារ នៅក្នុងទីផ្សារប្រទេសឥណ្ឌា។
ទូរស័ព្ទដៃ realme 14 Pro ទទួលបានអេក្រង់កោងប្រភេទ AMOLED ទំហំ ៦,៧ អ៊ីញ 120Hz មានគែមស្តើង កម្រិតបង្ហាញ Full HD+ (2412×1080 pixels) និងកម្រិតពន្លឺ 4,500 nits ដំណើរការដោយបន្ទះឈីប MediaTek Dimensity 7300- Energy ទំហំ 4nm ជាមួយនឹងប្រព័ន្ធប្រតិបត្តិការ Android 15 នៅលើ realme UI 6.0 អាចអាប់ឌែត OS និងប្រព័ន្ធសុវត្ថិភាពបាន ២ និង ៣ឆ្នាំ និងទទួលបាន RAM 8GB និងអង្គផ្ទុក 128GB / 256GB ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
ចំណែកផ្នែកថាមពលថ្ម ទូរស័ព្ទដៃនេះ ទទួលបានកញ្ជប់ថាមពលថ្មទំហំធំដល់ 6,000mAh គាំទ្រការសាកល្បឿនលឿនតាមខ្សែកម្លាំង 45W អាចសាកបាន ៥០ភាគរយ ចំណាយពេល ៣៦នាទី។ លើសពីនេះទៅទៀត ទូរស័ព្ទដៃ realme 14 Pro គឺមានបំពាក់មកជាមួយអាវការពារធូលី និងទឹកកម្រិត IP66 + IP68 + IP69 និងគាំទ្រការតភ្ជាប់ 5G, 4G VoLTE, Wi-Fi 6, Bluetooth 5.4, មុខងារ AI Ultra Clarity 2.0, AI Snap mode, AI Eraser 2.0 និងទទួលបានរន្ធ USB Type-C និង Stereo speakers ។
ចំពោះកាមេរ៉ា ទទួលបានលេនគោល 50MP ប្រើប្រាស់សេនស័រ Sony IMX882 មាន aperture f/1.88 និង OIS បូករួមជាមួយកាមេរ៉ា monochrome ទំហំ 2MP មាន aperture f/2.4 និងភ្លើង MagicGlow triple flash ចំនួន ៣គ្រាប់ ចំណែកកាមេរ៉ាផ្នែកខាងមុខរបស់ទូរស័ព្ទដៃនេះវិញ មានទំហំ 16MP មាន aperture f/2.4 ។
គួរឲដឹងថា បើនិយាយពីការរចនាវិញ ស្មាតហ្វូននេះ មានកម្រាស់ ៧,៤៩ និង ៧,៨ ម.ម និងទម្ងន់ ១៨០ ក្រាម និងទទួលបានជម្រើសពណ៌ Pink, White និង Grey ៕
ពាណិជ្ជកម្ម
