ក្រុមហ៊ុន Samsung នឹងបង្ហាញចេញនូវទូរស័ព្ទដៃ Galaxy S25 Series នៅសប្ដាហ៍ក្រោយនេះ លក្ខណៈសម្បត្តិលម្អិត និងព័ត៌មានរបស់ស្មាតហ្វូន Galaxy S25 និង S25+ ក៏ត្រូវបានលេចឡើងផងដែរ ដោយអាចនឹងមានតម្លៃលក់ចាប់ពី ៧៩៩ ដុល្លារ សម្រាប់ S25 និងចាប់ពី ៩៩៩ ដុល្លារ សម្រាប់ S25+ នៅក្នុងទីផ្សារសហរដ្ឋអាមេរិក។
សម្រាប់ទូរស័ព្ទដៃ Galaxy S25 និង S25+ ត្រូវបានរំពឹងថានឹងទទួលបានអេក្រង់ FHD+ ទំហំ ៦,៩ អ៊ីញ Infinity-O Dynamic AMOLED 2X Display 120Hz សម្រាប់ S25 និងអេក្រង់ QHD+ ទំហំ ៦,៩ អ៊ីញ Infinity-O Dynamic AMOLED 2X Display 120Hz សម្រាប់ S25+ ដំណើរការដោយបន្ទះឈីប Snapdragon 8 Elite ជាមួយប្រព័ន្ធប្រតិបត្តិការ Android 15 នៅលើ One UI 7 ចេញពីប្រអប់ និងទទួលបាន RAM 12GB / 16GB និងអង្គផ្ទុក 128GB (S25) / 256GB / 512GB / 1TB ព្រមទាំងអាចប្រើប្រាស់សុីមបានចំនួន២ បូកថែម eSIM ចំនួន១ ទៀតផង។
ចំពោះផ្នែកកាមេរ៉ាវិញ Galaxy S25 និង S25+ នឹងទទួលបានកាម៉េរ៉ាគោលខាងក្រោយទំហំ 50MP មានមុខងារជំនួយលំនឹង OIS និងភ្លើង LED Flash រួមជាមួយនឹងលេនទូលាយ Ultra-Wide ទំហំ 12MP អាចថតបានមុំ ១២០ដឺក្រេ និងលេន Telephoto ទំហំ 10MP គាំទ្រ 3x zoom, OIS, 4K 60 fps និង 8K 30fps ខណៈកាមេរ៉ាផ្នែកខាងមុខនឹងមានទំហំ 12MP ។
ចំណែកផ្នែកថាមពលថ្ម អាចនឹងទទួលបានកញ្ជប់ថ្មទំហំ 4000mAh (S25) / 4900mAh (S25+ គាំទ្រការសាកតាមខ្សែកម្លាំង 25W (S25) / 45W (S25+) ។ លើសពីនេះទៅទៀត ទូរស័ព្ទនេះ នឹងមានបំពាក់ជាមួយអាវការពារធូលី និងទឹកកម្រិត IP68 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.3, GPS និង USB Type-C ។
ពាណិជ្ជកម្ម
ក្នុងនោះ ការរចនារបស់ទូរស័ព្ទដៃ Galaxy S25 និង S25+ អាចនឹងមានកម្រាស់ ៧,២ ម.ម (S25) / ៧,៣ ម.ម និងទម្ងន់ ១៦១ (S25) / ១៩០ ក្រាម និងទទួលបានជម្រើសពណ៌ Iceblue, Mint, Navy និង Silver Shadow ៕