ក្រុមហ៊ុន Samsung កំពុងត្រៀមនឹងបង្ហាញចេញនូវទូរស័ព្ទដៃ Galaxy S25 Series នៅសប្ដាហ៍ក្រោយនេះ ខណៈលក្ខណៈសម្បត្តិលម្អិត និងព័ត៌មានរបស់ស្មាតហ្វូន Galaxy S25 Ultra ក៏ត្រូវបានលេចឡើងផងដែរ ដោយអាចនឹងមានតម្លៃលក់ចាប់ពី ១ ២៩៩ ដុល្លារ នៅក្នុងទីផ្សារសហរដ្ឋអាមេរិក។
ពាណិជ្ជកម្ម
សម្រាប់ទូរស័ព្ទដៃ Galaxy S25 Ultra ត្រូវបានរំពឹងថានឹងទទួលបានអេក្រង់ Quad HD+ Infinity-O-Edge Dynamic AMOLED Display ទំហំ ៦,៩ អ៊ីញ 120Hz ដំណើរការដោយបន្ទះឈីប Snapdragon 8 Elite ជាមួយប្រព័ន្ធប្រតិបត្តិការ Android 15 នៅលើ One UI 7 ចេញពីប្រអប់ និងទទួលបាន RAM 12GB / 16GB និងអង្គផ្ទុក 256GB / 512GB / 1TB ប្រភេទ UFS 3.1 ព្រមទាំងអាចប្រើប្រាស់សុីមបានចំនួន២ បូកថែម eSIM ចំនួន១ ទៀតផងដែរ។
ចំពោះផ្នែកកាមេរ៉ាវិញ Galaxy S25 Ultra នឹងទទួលបានកាម៉េរ៉ាគោលខាងក្រោយទំហំ 200MP មានមុខងារជំនួយលំនឹង OIS រួមជាមួយនឹងលេនទូលាយ Ultra-Wide ថ្មីទំហំ 50MP អាចថតបានមុំ ១២០ដឺក្រេ និងលេន Telephoto ទំហំ 10MP គាំទ្រ 3x zoom និង OIS និងលេន Periscope ទំហំ 50MP គាំទ្រការថត 5x zoom, 100x Space Zoom, Laser autofocus, 4K 60 fps, 8K 30fps និង LED Flash ខណៈកាមេរ៉ាផ្នែកខាងមុខនឹងមានទំហំ 12MP ។
ចំណែកផ្នែកថាមពលថ្ម អាចនឹងទទួលបានកញ្ជប់ថ្មទំហំ 5,000mAh គាំទ្រការសាកតាមខ្សែកម្លាំង 45W ។ លើសពីនេះទៅទៀត ទូរស័ព្ទនេះ នឹងមានបំពាក់ជាមួយអាវការពារធូលី និងទឹកកម្រិត IP68 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.3, GPS និង USB Type-C ។
ក្នុងនោះ ការរចនារបស់ទូរស័ព្ទដៃ Galaxy S25 Ultra អាចនឹងមានកម្រាស់ ៨,២ ម.ម និងទម្ងន់ ២១៨ ក្រាម និងទទួលបានជម្រើសពណ៌ Titanium Black, Titanium Gray, Titanium Silver Blue និង Titanium White Silver ៕