ក្រុមហ៊ុន Lenovo បានធ្វើការប្រកាសដាក់បង្ហាញចេញជាផ្លូវការនូវថេប្លេត Lenovo Yoga Tab Plus ដែលជាគឺជាថេប្លេតកម្រិតខ្ពស់ដែលផ្តោតលើអ្នកប្រើប្រាស់ថាមពល ជាមួយតម្លៃលក់ខ្ទង់ ៧០០ ដុល្លារ។
ពាណិជ្ជកម្ម
ថេប្លេត Lenovo Yoga Tab Plus ទទួលបានអេក្រង់ទំហំ ១២,៧ អ៊ីញ 144Hz មានកម្រិតបង្ហាញ 2944 x 1840 Pixels និងកម្រិតពន្លឺ 900 nits ដំណើរការដោយបន្ទះឈីប Snapdragon 8 Gen 3 4nm ជាមួយប្រព័ន្ធប្រតិបត្តិការ Android 15និងទទួលបាន RAM ទំហំ 16GB និងអង្គផ្ទុក 512GB ។
បើនិយាយពីផ្នែកកាមេរ៉ាវិញ ថេប្លេតនេះ ទទួលបានកាម៉េរ៉ាគោលខាងក្រោយទំហំ 13MP និងកាមេរ៉ាផ្នែកខាងមុខមានទំហំ 13MP ។ ក្នុងនោះ ថេប្លេត Lenovo Yoga Tab Plus គាំទ្រការតភ្ជាប់ Wi-Fi 7, Bluetooth 5.4 និងទទួលបាន Speaker Harman Kardon ចំនួន ៦គ្រាប់។ លើសពីនេះទៅទៀត ថេប្លេតនេះ ក៏ទទួលបានមុខងារ AI ចំនួន ២០ផងដែរ ដែលមុខងារសំខាន់ៗរួមមាន ជំនួយការការសរសេររបស់ Lenovo AI Note និង AI Transcript សម្រាប់ការបំប្លែងសំឡេងទៅជាអក្សរច្រើនភាសា។
ចំពោះផ្នែកថាមពលថ្ម ថេប្លេត Lenovo Yoga Tab Plus ទទួលបានកញ្ជប់ថ្មទំហំ 10,200mAh គាំទ្រការសាកតាមខ្សែកម្លាំង 45W និងមានកម្រាស់ ៦,៦៩ ម.ម និងទម្ងន់ ៦៤០ ក្រាម និងទទួលបានជម្រើសពណ៌ Tidal Teal និង Seashell ៕