ផលិតផលខ្មែរមិនតិចនោះទេកំពុងមានលក់នៅលើទីផ្សារ មានទាំងគុណភាព ដែលអាចប្រើប្រាស់ជំនួសទំនិញបរទេស កាត់បន្ថយការចំណាយលុយទៅលើផលិតផលគេទៀត ដោយងាកមកប្រើប្រាស់ផលិតផលក្នុងស្រុក នាំចំណូលដល់ពាណិជ្ជករខ្មែរ និងជំរុញសេដ្ឋកិច្ចជាតិ។ ខាងក្រោមនេះ ជាផលិតផលខ្មែរមួយចំនួន កំពុងមានវត្តមានលើទីផ្សារ៖
១) ប្រេងកូឡា ណាហ្គាបាម ជាម៉ាកយីហោរបស់ខ្មែរ ចាប់ផ្តើមបង្កើតតាំងពីឆ្នាំ ២០១៣ ជាមួយនឹងផលិតផល ១១មុខ ប្រើប្រាស់វត្ថុធាតុដើមធម្មជាតិមិនមានការបន្ថែមក្លិន ឬប្រើសំណល់ប្រេងមកផលិតនោះទេ។
២) សិប្បកម្ម LTSM ត្រីខកំប៉ុងខ្មែរ ដែលបង្កើតឡើងដោយកូនខ្មែរ ប្រើប្រាស់ត្រីសមុទ្រ វត្ថុធាតុដើមនៅក្នុងស្រុកមកផលិតចេញជាត្រីខកំប៉ុង ក្រោយការស្រាវជ្រាវរូបមន្ត យ៉ាងត្រឹមត្រូវ។
៣) សិប្បកម្មផលិតគ្រឿងទេស Camfood – ខេមហ្វូត ជាសិប្បកម្មដែលមានជំនាញទៅលើការផលិតទឹកសុីអុីវ ប្រេងខ្យង ដែលសុទ្ធតែជាគ្រឿងចាំបាច់ក្នុងការចម្អិនម្ហូបអាហារ។
៤) ម្សៅលាងបន្លែ ផ្លែឈើរបស់ក្រុមហ៊ុន Soda food ដែលជួយកម្ចាត់បាក់តេរី ជម្រះសារធាតុគីមី ក៏ដូចជាថ្នាំពុលកសិកម្ម រួមទាំងជួយរក្សាវីតាមីនបន្លែ ផ្លែឈើមិនឲ្យបាត់បង់។
៥) ប្រេងកន្ទក់សុខៈ ជាផលិតផលខេត្តបាត់ដំបង ប្រើប្រាស់កន្ទក់ផ្កាម្លិះបាត់ដំបង ១០០% យកមកផលិត ចម្រាញ់ចេញជាប្រេង ផ្ទុកនូវសារធាតុ Oryzanol ដែលមានអត្ថប្រយោជន៍ដល់ថ្លើម និងបេះដូង។
៦) សាប៊ូក្លិន (KLEN) ដែលជាក្រុមហ៊ុនផលិតសាប៊ូធំមួយនៅកម្ពុជា ផលិតបាននូវសាប៊ូជាច្រើនប្រភេទ មានទាំងស្តង់ដារ គុណភាព សម្រាប់ប្រើប្រាស់ដោយមានទំនុកចិត្ត។
៧) សិប្បកម្មផលិតគ្រឿងជ័រ បុប្ផា៩៩៩៩ មានទីតាំងនៅខេត្ត ព្រៃវែង ដែលអាចផលិតបានផលិតផលគ្រឿងជ័រប្រមាណជាង ២០០មុខ សុទ្ធតែជាសម្ភារចាំបាច់សម្រាប់ប្រើប្រាស់ជាប្រចាំ។
៨) សិប្បកម្មផលិត និងកែច្នៃសាច់ប្រហិត ហុយហុយ ប្រើប្រាស់នូវសាច់ស្រស់ៗ មកកែច្នៃចេញជាប្រហិតដែលមានរសជាតិឈ្ងុយឆ្ងាញ់ មិនលាយម្សៅ មិនលាយសារធាតុគីមីដែលប៉ះពាល់សុខភាព។
