ក្រុមហ៊ុន Lenovo បានធ្វើការប្រកាសដាក់បង្ហាញចេញជាផ្លូវការនូវថេប្លេត Lenovo Legion Tab ឆ្នាំ២០២៥ នៅក្នុង CES 2025 ដែលកំពុងធ្វើឡើងនៅសហរដ្ឋអាមេរិក ជាមួយតម្លៃលក់ខ្ទង់ ៤៩៩ ដុល្លារ ដែលជាអ្នកស្នងតំណែងរបស់ម៉ូដែល Gen 2 បន្ទាប់ពីត្រូវបានណែនាំនៅក្នុងប្រទេសចិន។
ពាណិជ្ជកម្ម
ថេប្លេត Lenovo Legion Tab ឆ្នាំ២០២៥ ទទួលបានអេក្រង់ LCD ទំហំ ៨,៨ អ៊ីញ 165Hz មានកម្រិតបង្ហាញ 2.5K (2560 x 1600 Pixels) និងកម្រិតពន្លឺ 500 nits ដំណើរការដោយបន្ទះឈីប Snapdragon 8 Gen 3 4nm ជាមួយប្រព័ន្ធប្រតិបត្តិការ Android 14 នៅលើ ZUI 16.1 (អាចអាប់ឌែតប្រព័ន្ធប្រតិបត្តិការចំនួន ៣ឆ្នាំ និងប្រព័ន្ធសុវត្ថិភាពចំនួន ៤ឆ្នាំ) និងទទួលបាន RAM ទំហំ 12GB និងអង្គផ្ទុក 256GB ប្រភេទ UFS 4.0 អាចបន្ថែមក្រៅបានដល់ 1TB តាម microSD ។
បើនិយាយពីផ្នែកកាមេរ៉ាវិញ ថេប្លេតនេះ ទទួលបានកាម៉េរ៉ាគោលខាងក្រោយទំហំ 13MP និងកាមេរ៉ាផ្នែកខាងមុខមានទំហំ 8MP ។ ក្នុងនោះ ថេប្លេត Lenovo Legion Tab គាំទ្រការតភ្ជាប់ Wi-Fi 7, Bluetooth 5.4, រន្ធ USB Type-C 3.2 Gen 2 / DP Out / Audio, រន្ធ USB Type-C 2.0 / Charging / Audio និងទទួលបាន SB Type-C audio និង Speaker ចំនួន២។ លើសពីនេះទៅទៀត ក៏ទទួលបាន Legion Coldfront Vapor Chamber ផងដែរ ដើម្បីដំណើការការលេងហ្គេមឲកាន់តែមានភាពប្រសើរឡើង។
ចំពោះផ្នែកថាមពលថ្ម ថេប្លេត Lenovo Legion Tab ឆ្នាំ២០២៥ ទទួលបានកញ្ជប់ថ្មទំហំ 6550mAh គាំទ្រការសាកតាមខ្សែកម្លាំង 45W និងមានកម្រាស់ ៧,៧៩ ម.ម និងទម្ងន់ ៣៥០ ក្រាម និងទទួលបានជម្រើសពណ៌ Eclipse Black តែមួយប៉ុណ្ណោះ៕