ក្រុមហ៊ុនផលិតទូរស័ព្ទដៃ OnePlus បានប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី OnePlus 13R ជាមួយតម្លៃលក់ចាប់ពី ៥២០ ដុល្លារ ដល់ ៦០៥ ដុល្លារ នៅក្នុងទីផ្សារប្រទេសឥណ្ឌា។
ពាណិជ្ជកម្ម
ទូរស័ព្ទដៃ OnePlus 13R ទទួលបានអេក្រង់ 8T LTPO AMOLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K (2780×1264 pixels) និងកម្រិតពន្លឺ 4,500 nits ដំណើរការដោយបន្ទះឈីប Snapdragon 8 Gen 3 ទំហំ 4nm ជាមួយនឹងប្រព័ន្ធប្រតិបត្តិការ Android 15 នៅលើ OxygenOS 15 (អាប់ឌែតប្រព័ន្ធប្រតិបត្តិការចំនួន ៤ឆ្នាំ និងប្រព័ន្ធសុវត្ថិភាពចំនួន ៦ឆ្នាំនិងទទួលបាន RAM 12GB / 16GB និងអង្គផ្ទុក 256GB / 512GB ប្រភេទ UFS 4.0 ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ាទូរស័ព្ទដៃ ទទួលបានកាម៉េរ៉ាគោលខាងក្រោយទំហំ 50MP ប្រើប្រាស់សេនស័រ Sony LYT-700 មាន aperture f/1.8 និង OIS បូករួមជាមួយលេនទូលាយ Ultra-Wide ទំហំ 8MP ប្រើប្រាស់សេនស័រ ony IMX355 មាន aperture f/2.2 អាចថតបានមុំ ១២០ដឺក្រេ និងលេនពង្រីក telephoto ទំហំ 50MP ប្រើប្រាស់សេនស័រ Samsung JN5 មាន aperture f/2.0 និងភ្លើង LED flash អាចថតវិដេអូបានកម្រិត 4K ក្នុងល្បឿន 60 fps ។ ចំណែកកាមេរ៉ាផ្នែកខាងមុខរបស់ទូរស័ព្ទនេះ មានទំហំ 16MP ប្រើប្រាស់សេនស័រ Sony IMX480 មាន aperture f/2.4 អាចថតវិដេអូបានកម្រិត 1080p ក្នុងល្បឿន 30 fps ។
ចំណែកផ្នែកថាមពលថ្ម OnePlus 13R ទទួលបានកញ្ជប់ថាមពលថ្មទំហំ 6000mAh គាំទ្រការសាកល្បឿនលឿនតាមខ្សែកម្លាំង 80W ។ លើសពីនេះទៅទៀត ទូរស័ព្ទដៃនេះ គឺមានបំពាក់មកជាមួយអាវការពារធូលី និងទឹកកម្រិត IP65 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4, GPS, USB Type-C, NFC និងទទួលបានរន្ធ USB Type-C audio និងបាសសម្លេង Stereo speakers ។
គួរឲដឹងថា ការរចនារបស់ស្មាតហ្វូន OnePlus 13R មានកម្រាស់ខ្ទង់ ៨ ម.ម និងទម្ងន់ខ្ទង់ ២០៦ ក្រាម និងទទួលបានជម្រើសពណ៌ Astral Trail និង Nebula Noir ៕