បើយោងតាមសារព៌ត័មានប្រចាំប្រទេសចិនបាននិយាយថា ក្រុមហ៊ុនផលិតស្មាតហ្វូន Realme នឹងប្រកាសដាក់បង្ហាញចេញនូវស្មាតហ្វូនថ្មីរបស់ពួកគេគឺ Realme GT 7 នៅក្នុងប្រទេសចិន ក្នុងពេលឆាប់ៗខាងមុខនេះ បន្ទាប់ពីប្រកាសចេញ Realme GT 7 Pro នៅក្នុងខែវិច្ឆិកា នៅក្នុងប្រទេសចិន។
ក្នុងនោះ ស្មាតហ្វូន Realme GT 7 ត្រូវបានរំពឹងថានឹងទទួលបានលេនកាមេរ៉ាគោលទំហំ 50MP បូករួមជាមួយលេនទូលាយ ultra-wide ទំហំ 8MP ចំណែកកាមេរ៉ាផ្នែកខាងមុខត្រូវបានរំពឹងថានឹងមានទំហំ 16MP ។
ពាណិជ្ជកម្ម
ទន្ទឹមនឹងនេះ Realme GT 7 អាចនឹងដំណើរការដោយបន្ទះឈីប Snapdragon 8 Elite ភ្ជាប់ជាមួយ RAM ទំហំ 8GB, 12GB, 16GB ឬ 24GB រួមជាមួយនឹងអង្គចងចាំខាងក្នុង 128GB, 256GB, 512GB និង 1TB ។។ លើសពីនេះទៅទៀត ស្មាតហ្វូនមួយនេះនឹងប្រើប្រាស់នូវប្រព័ន្ធប្រតិបត្តិការ Android 15 ព្រមទាំងទទួលបានកញ្ជប់ថាមពលថ្មធំដល់ 6,310mAh និងប្រើប្រាស់នូវអេក្រង់ប្រភេទ AMOLED 120Hz ទំហំ ៦,៧៨អ៊ីញ មានកម្រិតបង្ហាញ 1.5K ។
គួរបញ្ជាក់ផងថា ម៉ូឌែល Realme GT 7 ត្រូវបានគេរំពឹងថានឹងក្លាយជាគូរប្រកួតប្រជែងជាមួយនឹង iQOO 13 និង OnePlus 13 ដែលទើបប្រកាសចេញកាលពីពេលថ្មីៗនេះ៕