ក្រុមហ៊ុនផលិតទូរស័ព្ទដៃ Honor បានប្រកាសដាក់បង្ហាញចេញជាផ្លូវការទូរស័ព្ទដៃ Honor Magic7 Lite នៅក្នុងទីផ្សារតំបន់អឺរ៉ុប ជាមួយតម្លៃលក់ចាប់ពី ៣៩៩ ដុល្លារ ដល់ ៤៣០ ដុល្លារ ។
ទូរស័ព្ទដៃ Honor Magic7 Lite ទទួលបានអេក្រង់ AMOLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K (2700 × 1224 pixels) និងកម្រិតពន្លឺ 4,000 nits ដំណើរការដោយបន្ទះឈីប Snapdragon 6 Gen 1 ជាមួយនឹងប្រព័ន្ធប្រតិបត្តិការ Android 14 នៅលើ MagicOS 8.0 និងទទួលបាន RAM 8GB និងអង្គផ្ទុក 256GB / 512GB ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ា ទទួលបានកាម៉េរ៉ាគោលខាងក្រោយទំហំ 108MP មាន f/1.8 និង OIS បូករួមជាមួយលេនទូលាយ wide-angle ទំហំ 5MP មាន f/2.2 គាំទ្រការថត 10x digital zoom និង 4K 30fps ។ ចំណែកកាមេរ៉ាផ្នែកខាងមុខរបស់ទូរស័ព្ទដៃនេះ មានទំហំ 16 MP គាំទ្រការថត 1080p 30fps ។
ចំណែកផ្នែកថាមពលថ្ម ទទួលបានកញ្ជប់ថាមពលថ្មទំហំ 6,600mAh គាំទ្រការសាកល្បឿនលឿនតាមខ្សែកម្លាំង 66W។ លើសពីនេះទៅទៀត ទូរស័ព្ទដៃនេះ គឺមានបំពាក់មកជាមួយអាវការពារធូលី និងទឹកកម្រិត IP64 និងគាំទ្រការតភ្ជាប់ 5G, 4G VoLTE, Wi-Fi 6, Bluetooth 5.1, GPS, USB Type-C 2.0 និងទទួលបានរន្ធ USB Type-C audio និងបាសសម្លេង Stereo speakers ។
គួរឲដឹងថា ការរចនារបស់ស្មាតហ្វូន Honor Magic7 Lite មានកម្រាស់ខ្ទង់ ៧,៩៨ ម.ម និងទម្ងន់ខ្ទង់ ១៨៩ ក្រាម និងទទួលបានជម្រើសពណ៌ Titanium Purple និង Titanium Black ៕