ក្រុមហ៊ុន HONOR បានធ្វើការប្រកាសដាក់បង្ហាញចេញជាផ្លូវការនូវថេប្លេតសេរ៊ីថ្មី Honor Tablet X9 Pro ជម្រើសប្រើប្រាស់់ WiFi នៅទីផ្សារក្នុងប្រទេសចិន ជាមួយតម្លៃលក់ចាប់ ១៥០ ដុល្លារ ដល់ ២០៥ ដុល្លារ។
ថេប្លេត Honor Tablet X9 Pro ទទួលបានអេក្រង់ LCD ទំហំ ១១,៥ អ៊ីញ 120Hz មានកម្រិតបង្ហាញ 2000 × 1200 pixels និងកម្រិតពន្លឺ 400 nits ដំណើរការដោយបន្ទះឈីប Snapdragon 685 ជាមួយប្រព័ន្ធប្រតិបត្តិការ Android 15 នៅលើ MagicOS 9.0 និងទទួលបាន RAM ទំហំ 6GB/8GB និងអង្គផ្ទុក 128GB/256GB ។
បើនិយាយពីផ្នែកកាមេរ៉ាវិញ ថេប្លេត Honor Tablet X9 Pro ទទួលបានកាម៉េរ៉ាគោលខាងក្រោយទំហំ 8MP និងកាមេរ៉ាផ្នែកខាងមុខមានទំហំ 5MP ។ ក្នុងនោះ ថេប្លេតនេះ គាំទ្រការតភ្ជាប់ WiFi 5 និង Bluetooth 5.1 និងទទួលបានបាសសម្លេងចំនួន ៤ចំនុច និងរន្ធ microphone ចំនួន១។ លើសពីនេះ ក៏ទទួលបានមុខងារ AI ជាច្រើនផងដែរ។
ចំពោះផ្នែកថាមពលថ្ម ថេប្លេត HONOR Pad V9 ទទួលបានកញ្ជប់ថ្មទំហំ 8,300mAh គាំទ្រការសាកតាមខ្សែ USB Type-C កម្លាំង 35W ។
គួរឲដឹងថា Honor Tablet X9 Pro មានកម្រាស់ ៦,៧៧ ម.ម និងទម្ងន់ ៤៥៧ ក្រាម និងទទួលបានជម្រើសពណ៌ Azure, Jade Dragon Snow និង Cangshan Gray ៕