ក្រុមហ៊ុនផលិតស្មាតហ្វូន Xiaomi បានធ្វើការប្រកាសជាផ្លូវការថា ពួកគេនឹងប្រកាសចេញនូវស្មាតហ្វូនសេរ៊ីថ្មី Redmi Turbo 4 នៅក្នុងថ្ងៃទី ០២ ខែមករា ឆ្នាំ២០២៥ ខាងមុខនេះ នៅក្នុងទីផ្សារប្រទេសចិន។
ក្នុងនោះ Redmi Turbo 4 នឹងប្រើប្រាស់នូវបន្ទះឈីប MediaTek Dimensity 8400-Ultra រួមជាមួយនឹងប្រព័ន្ធប្រតិបត្តិការ Android 15 ។ លើសពីនេះ ស្មាតហ្វូនមួយនេះក៏នឹងទទួលបាន RAM ដល់ 16GB ផងដែរ។
ចំពោះផ្នែកកាមេរ៉ា ស្មាតហ្វូននេះ នឹងទទួលបានលេនគោលទំហំ 50MP មាន aperture f/1.51 រួមជាមួយនឹងកាមេរ៉ាបន្ទាប់បន្សំ ដែលគួរតែជាលេនទូលាយ ultra-wide មាន aperture f/2.2 និងទទួលបានជម្រើសពណ៌ស និងពណ៌ជាច្រើនទៀតផងដែរ។
ទន្ទឹមនឹងនេះ Redmi Turbo 4 នឹងទទួលបានអេក្រង់ 120Hz ដែលមានកម្រិតបង្ហាញ 1.5K ម៉ាស៊ីនស្កេនក្រយៅដៃធម្មតា កញ្ជប់ថាមពលថ្មធំដល់ 6,500mAh គាំទ្រការសាកល្បឿនលឿនកម្លាំង 90W និងអាវការពារទឹក និងធូលីកម្រិត IP68 ជាដើម៕