ក្រុមហ៊ុនផលិតទូរស័ព្ទដៃ OPPO បានធ្វើការប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី OPPO A5 Pro ជាមួយតម្លៃលក់ចាប់ពី ២ ៧០ ដុល្លារ ដល់ ៣ ៤០ ដុល្លារ នៅក្នុងទីផ្សារប្រទេសចិន។
ទូរស័ព្ទដៃ OPPO A5 Pro ទទួលបានអេក្រង់ AMOLED ទំហំ ៦,៧ អ៊ីញ 120Hz មានកម្រិតបង្ហាញ FHD+ (2412×1080 pixels) និងកម្រិតពន្លឺ 1,200 nits ដំណើរការដោយបន្ទះឈីប MediaTek Dimensity 7300 ទំហំ 4nm ជាមួយនឹងប្រព័ន្ធប្រតិបត្តិការ Android 15 នៅលើ ColorOS 15 និងទទួលបាន RAM 8GB / 12GB និងអង្គផ្ទុក 256GB / 512GB ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
ចំណែកផ្នែកថាមពលថ្ម ទូរស័ព្ទដៃនេះ ទទួលបានកញ្ជប់ថាមពលថ្មទំហំធំដល់ 6,000mAh គាំទ្រការសាកល្បឿនលឿនតាមខ្សែកម្លាំង 80W ។ លើសពីនេះទៅទៀត ទូរស័ព្ទដៃ OPPO A5 Pro គឺមានបំពាក់មកជាមួយអាវការពារធូលី និងទឹកកម្រិត IP66 + IP68 + IP69 និងគាំទ្រការតភ្ជាប់ 5G, 4G VoLTE, Wi-Fi 5 និង Bluetooth 5.4 ។
ពាណិជ្ជកម្ម
សម្រាប់ផ្នែកកាមេរ៉ាទូរស័ព្ទដៃនេះ ទទួលបានកាម៉េរ៉ាគោលខាងក្រោយទំហំ 50MP មាន aperture f/1.8 និង OIS បូករួមជាមួយលេន monochrome ទំហំ 2MP មាន aperture f/2.4 និងភ្លើង LED flash ចំណែកកាមេរ៉ាផ្នែកខាងមុខរបស់ទូរស័ព្ទដៃនេះមានទំហំ 16MP មាន aperture f/2.4 ។
គួរឲដឹងថា ការរចនារបស់ស្មាតហ្វូន OPPO A5 Pro មានកម្រាស់ខ្ទង់ ៧,៦៧ ម.ម និងទម្ងន់ខ្ទង់ ១៨៦ ក្រាម និងទទួលបានជម្រើសពណ៌ Quartz White, Rock Black, New Year Red និង Sandstone Purple ៕