ក្រុមហ៊ុនផលិតទូរស័ព្ទដៃ HONOR បានធ្វើការប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី HONOR Magic7 RSR Porsche Design ជាមួយតម្លៃលក់ចាប់ពី ១ ០៩៥ ដុល្លារ ដល់ ១ ២៣២ ដុល្លារ នៅក្នុងទីផ្សារប្រទេសចិន។
ទូរស័ព្ទដៃ HONOR Magic7 RSR Porsche Design ទទួលបានអេក្រង់កោងប្រភេទ LTPO OLED ទំហំ ៦,៨ អ៊ីញ 120Hz មានកម្រិតបង្ហាញ FHD+ (1280×2800 pixels) និងកម្រិតពន្លឺ 5,000 nits ដំណើរការដោយបន្ទះឈីប Snapdragon 8 Elite ទំហំ 3nm ជាមួយនឹងប្រព័ន្ធប្រតិបត្តិការ Android 15 នៅលើ Magic UI 9.0 និងទទួលបាន RAM 16GB / 24GB និងអង្គផ្ទុក 512GB / 1TB ប្រភេទ UFS 4.0 ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃ Ultrasonic នៅលើអេក្រង់បាន។
សម្រាប់ផ្នែកកាមេរ៉ាទូរស័ព្ទដៃនេះ ទទួលបានកាម៉េរ៉ាគោលខាងក្រោយទំហំ 50MP ប្រើប្រាស់សេនស័រ Sony IMX882 មាន aperture f/1.4 ទៅ f/2.0 បូករួមជាមួយលេនទូលាយ Ultra-Wide ទំហំ 50MP មាន aperture f/2.0 អាចថតបាន ១២២ដឺក្រេ, លេនថតវត្ថុជិតៗ macro ទំហំ ២,៥សង់ទីម៉ែត្រ និងលេនពង្រីក Telephoto ទំហំ 200MP មាន aperture f/1.88 គាំទ្រការថត 3x Optical Zoom, 100x Digital Zoom, OIS និងវិដេអូកម្រិត 4K ក្នុងល្បឿន 60fps ចំណែកកាមេរ៉ាផ្នែកខាងមុខរបស់ទូរស័ព្ទដៃនេះមានទំហំ 50MP មាន aperture f/2.0 គាំទ្រការថតវិដេអូកម្រិត 4K ក្នុងល្បឿន 60fps ដូចគ្នា។
លើសពីនេះទៅទៀត ក្រុមហ៊ុនក៏បានធ្វើឱ្យប្រសើរឡើងនូវប្រព័ន្ធ periscope ផងដែរដោយបានបញ្ចូលនូវមុខងារ 1Glass + 5Plastic lens floating periscope រួមជាមួយនឹងម៉ូទ័រអេឡិចត្រិចចំនួន២ រួមបញ្ចូលគ្នាជាមួយនឹងឧបករណ៍ចាប់សញ្ញា 1200 LiDAR ដើម្បីធ្វើឱ្យប្រសើរឡើងនៅក្នុងការរថតរូបក្នុងចម្ងាយឆ្ងាយ។
ចំណែកផ្នែកថាមពលថ្ម ទូរស័ព្ទដៃនេះទទួលបានកញ្ជប់ថាមពលថ្មទំហំធំដល់ 5,850mAh គាំទ្រការសាកល្បឿនលឿនតាមខ្សែ 100W និង 80W ឥតខ្សែ។ លើសពីនេះទៅទៀត ទូរស័ព្ទដៃ HONOR Magic7 RSR Porsche Design គឺមានបំពាក់មកជាមួយអាវការពារធូលី និងទឹកកម្រិត IP68 + IP69 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4, GPS, USB Type-C, NFC និងទទួលបានរន្ធ USB Type-C audio និងបាសសម្លេង Stereo speakers ចំនួន ២ចំនុច ជាមួយមុខងារ DTS:X Ultra sound effects ។
ពាណិជ្ជកម្ម
គួរឲដឹងថា ក្រុមហ៊ុន HONOR បានដាក់បញ្ចូលនូវការការពារ NanoCrystal Shield ដែលត្រូវបានកែលម្អសម្រាប់អេក្រង់ ដែលបានឆ្លងកាត់ការបញ្ជាក់កម្រិតផ្កាយប្រាំរបស់ស្វីស SGS multi-scene gold standard សម្រាប់ការពារកញ្ចក់ និងធន់នឹងការធ្លាក់ ដែលផ្តល់នូវភាពធន់ខ្លាំងជាង ១០ ដង។ ចំណែកការរចនារបស់ស្មាតហ្វូន HONOR Magic7 RSR Porsche Design មានកម្រាស់ខ្ទង់ ៨,៨ ម.ម និងទម្ងន់ខ្ទង់ ២២៨ ក្រាម និងទទួលបានជម្រើសពណ៌ស្វាយ និងពណ៌ប្រផេះ ៕