ក្រុមហ៊ុនផលិតទូរស័ព្ទដៃ HONOR បានធ្វើការប្រកាសដាក់បង្ហាញចេញជាផ្លូវការទូរស័ព្ទដៃ Gaming សេរ៊ីថ្មី HONOR GT ជាមួយតម្លៃលក់ចាប់ពី ៣០១ ដុល្លារ ដល់ ៤៥២ ដុល្លារ នៅក្នុងទីផ្សារប្រទេសចិន។
ពាណិជ្ជកម្ម
ទូរស័ព្ទដៃ HONOR GT ទទួលបានអេក្រង់ AMOLED ទំហំ ៦,៧ អ៊ីញ 120Hz មានកម្រិតបង្ហាញ FHD+ (2664 x 1200 pixels) និងកម្រិតពន្លឺ 4,000 nits បំពាក់ដោយបច្ចេកវិទ្យាការពារភ្នែក (Oasis eye protection gaming screen) ដំណើរការដោយបន្ទះឈីប Snapdragon 8 Gen 3 ទំហំ 4nm ជាមួយនឹងប្រព័ន្ធប្រតិបត្តិការ Android 15 នៅលើ Magic UI 9.0 និងទទួលបាន RAM 12GB / 16GB និងអង្គផ្ទុក 256GB / 512GB / 1TB ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ាទូរស័ព្ទដៃ HONOR GT ទទួលបានកាម៉េរ៉ាគោលខាងក្រោយទំហំ 50MP ប្រើប្រាស់សេនស័រ IMX906 មាន aperture f/1.95 បូករួមជាមួយលេនទូលាយ Ultra-Wide ទំហំ 12MP មាន aperture f/2.2, macro shooting និងភ្លើង LED flash ចំណែកកាមេរ៉ាផ្នែកខាងមុខរបស់ទូរស័ព្ទដៃនេះមានទំហំ 16MP មាន aperture f/2.45 ។
ចំណែកផ្នែកថាមពលថ្ម ទូរស័ព្ទដៃនេះទទួលបានកញ្ជប់ថាមពលថ្មទំហំ 5,300mAh គាំទ្រការសាកល្បឿនលឿនតាមខ្សែ 100W ។ លើសពីនេះទៅទៀត ទូរស័ព្ទដៃ HONOR GT គឺគាំទ្រការតភ្ជាប់ 5G, 4G VoLTE, Wi-Fi 6, Bluetooth 5.3, GPS, USB Type-C, NFC និងទទួលបានរន្ធ USB Type-C audio និងបាសសម្លេង Stereo speakers ។
គួរឲដឹងថា ការរចនារបស់ស្មាតហ្វូន HONOR GT មានកម្រាស់ខ្ទង់ ៧,៧ ម.ម និងទម្ងន់ខ្ទង់ ១៩៦ ក្រាម និងទទួលបានជម្រើសពណ៌ Phantom Black, Ice Crystal White និង Aurora Green ៕