ចេញហើយ! ថេប្លេតលំដាប់ថវិកាសេរ៊ីថ្មី HONOR Pad V9 តម្លៃខ្ទង់ ៣០០ដុល្លារ ប្រើ AI មានថ្មធំដល់ 10,100mAh

កាលពីពេលថ្មីៗនេះ ក្រុមហ៊ុន HONOR បានធ្វើការប្រកាសដាក់បង្ហាញចេញជាផ្លូវការនូវថេប្លេតសេរ៊ីថ្មី HONOR Pad V9 នៅទីផ្សារក្នុងប្រទេសចិន ជាមួយតម្លៃលក់ចាប់ ២៨៨ ដុល្លារ ដល់ ៣៨៤ ដុល្លារ។

ថេប្លេត HONOR Pad V9 ទទួលបានអេក្រង់ IMAX Enhanced ទំហំ ១១,៥ អ៊ីញ 144Hz មានកម្រិតបង្ហាញ 2.8K (2800 x 1840 pixels) និងកម្រិតពន្លឺ 500 nits ដំណើរការដោយបន្ទះឈីប Dimensity 8350 Extreme Edition ជាមួយប្រព័ន្ធប្រតិបត្តិការ Android 15 នៅលើ MagicOS 9.0 និងទទួលបាន RAM ទំហំ 8GB/12GB និងអង្គផ្ទុក 128GB/256GB/512GB ។

ពាណិជ្ជកម្ម

បើនិយាយពីផ្នែកកាមេរ៉ាវិញ ថេប្លេត HONOR Pad V9 ទទួលបានកាម៉េរ៉ាគោលខាងក្រោយទំហំ 13MP (f/2.0 AF) និងកាមេរ៉ាផ្នែកខាងមុខមានទំហំ 8MP (f/2.0 FF) ។ ក្នុងនោះ ថេប្លេតនេះ គាំទ្រការតភ្ជាប់ Wi-Fi 6, Bluetooth v5.2, មុខងារ YOYO Assistant, YOYO Answers, HONOR Digital Human, HONOR Magic Door និងមុខងារ AI ជាច្រើនទៀតផងដែរ។ លើសពីនេះទៅទៀត HONOR Pad V9 ទទួលបានបាសសម្លេងចំនួន ៨ចំនុច, ប៊ិក Magic Pencil 3 និងក្តារចុច Tablet V9 Smart Bluetooth Keyboard ។

ចំពោះផ្នែកថាមពលថ្ម ថេប្លេត HONOR Pad V9 ទទួលបានកញ្ជប់ថ្មទំហំ 10,100mAh គាំទ្រការសាកតាមខ្សែ 66W និងមានកម្រាស់ ៦,១ ម.ម និងទម្ងន់ ៤៧៥ ក្រាម និងទទួលបានជម្រើសពណ៌ Luyan Purple, Yulong Snow និង Cangshan Grey ៕

ប្រភពៈ FoneArena