ក្នុងនោះ បន្ទាប់ពីបំបែកកំណត់ត្រាជាមនុស្សយន្តដែលអាចដើរមិនឈប់បានឆ្ងាយជាងគេនៅក្នុងលោក ពេលនេះ មនុស្សយន្ត AgiBot A2 របស់ចិន ដែលត្រូវបានអភិវឌ្ឈន៍ និងបង្កើតឡើងដោយក្រុមហ៊ុន AgiBot គឺត្រូវបានទទួលស្គាល់ជាផ្លូវការពីសំណាក់ស្ថាប័នវាយតម្លៃពិភពលោក Guinness World Records ហើយ។
បើនិយាយពីសមត្ថភាព និងការរចនារបស់មនុស្សយន្តនេះវិញ គឺមានកម្ពស់ត្រឹមតែ ១៧៥សង់ទីម៉ែត្រ និងទម្ងន់ត្រឹមតែ ៥៥គីឡូក្រាមប៉ុណ្ណោះ ហើយវាគឺបំពាក់ដោយឧបករណ៍ចាប់សញ្ញា ប្រព័ន្ធ LIDAR ប្រព័ន្ធផ្លាស់ប្តូរថ្មបានភ្លាមៗដោយមិនចាំបាច់បិទ និងប្រព័ន្ធ GPS ជាច្រើន ពោលគឺអាចដើរបានចម្ងាយដល់ទៅ 106 គីឡូម៉ែត្រឯណ្ណោះ ដោយមិនចាំបាច់ត្រូវការឈប់សាកថ្ម ឬសម្រាក ពោលគឺបានក្លាយជាមនុស្សយន្តដែលអាចដើរមិនឈប់បានចម្ងាយឆ្ងាយជាងគេនៅក្នុងលោក។
គួរបញ្ជាក់ថា នៅក្នុងការធ្វើដំណើរនេះ មនុស្សយន្ត AgiBot A2 គឺបានធ្វើដំណើរចាប់ផ្តើមពីបឹង Jinji នៅទីក្រុង Suzhou នៅថ្ងៃទី 10 ខែវិច្ឆិកា រហូតដល់ The Bund នៅទីក្រុងសៀងហៃ នៅថ្ងៃទី 13 ខែវិច្ឆិកា។ ក្នុងរយៈពេល ៣ថ្ងៃនេះ វាបានឆ្លងកាត់ទីក្រុង ផ្លូវ ស្ពាន និងស្ថានភាពខុសៗគ្នាច្រើន ប៉ុន្តែមិនមានបញ្ហាណាមួយកើតឡើងនៅក្នុងអំឡុងពេលធ្វើដំណើរនោះឡើយ៕
ពាណិជ្ជកម្ម
