[ទីផ្សារបរទេស] ក្រុមហ៊ុនផលិតរថយន្ត Suzuki បានធ្វើការដាក់បង្ហាញចេញជាផ្លូវការនូវរថយន្តខ្នាតតូចថ្មី Suzuki Wagon R Smile ស៊េរីថ្មីចុងក្រោយ ទទួលបានការផ្លាសប្តូរថ្មី ប្រើប្រាស់ Hybrid ជាមួយតម្លៃលក់ចាប់ពី ៩ ៧៦៨ ដុល្លារ ដល់ ១២ ៦៨៩ ដុល្លារ នៅក្នុងទីផ្សារប្រទេសជប៉ុន ។
Suzuki Wagon R Smile ថ្មីនេះ ដំណើរការដោយម៉ាស៊ីន mild-Hybrid ធ្វើការជាមួយម៉ាស៊ីនសាំង 660cc ទំហំ ៣ស៊ីឡាំង និងម៉ូទ័រអគ្គិសនីចំនួន ១ អាចផលិតកម្លាំងបានសរុប ៥៥ សេះ និងកម្លាំងរមួល ១០០ ញ៉ូតុនម៉ែត្រ និងមានកម្រិតស៊ីប្រេងខ្ទង់ ៤លីត្រ/១០០គីឡូម៉ែត្រ ។
រថយន្តនេះ មានប្រវែងតួខ្លួនសរុប ៣ ៣៩៥ ម.ម ទទឹង ១ ៤៧៥ ម.ម កម្ពស់ ១ ៦៩៥ ម.ម និងប្រវែងគម្លាតកង់មុខ-ក្រោយ ២ ៤៦០ ម.ម ។ សម្រាប់ការឌីស្សាញផ្នែកខាងក្រៅ ទទួលបានការឌីស្សាញថ្មីផ្នែកខាងមុខរួមមាន ប៉ាណា ចង្កៀង LED និងកាងការពារ ព្រមទាំងប្រើប្រាស់ទ្វារប្រភេទរូតផងដែរ។
ចំពោះនៅផ្នែកខាងក្នុងវិញ ទទួលបានអេក្រង់កំសាន្ត touchscreen កុងទ័របង្ហាញព៌ត័មាន ក៏ដូចជាហ្វ្រាំងដៃអេឡិចត្រូនិច ជាមួយមុខងារ Auto Hold បន្ថែមថ្មី និងប្រព័ន្ធកាមេរ៉ា ៣៦០ដឺក្រេជាដើម៕
