កាលពីពេលថ្មីៗនេះ បើយោងតាមសារព៌ត័មានមួយចំនួនធំបាននិយាយថា ក្រុមហ៊ុនផលិត Google នឹងធ្វើការប្រកាសដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មី Google Pixel 9a នៅក្នុងពាក់កណ្តាលខែមិនា ឆ្នាំ២០២៥ ខាងមុខនេះ ជាមួយតម្លៃលក់ចាប់ពី ៤៩៩ ដុល្លារ នៅក្នុងទីផ្សារសហរដ្ឋអាមេរិក។
សម្រាប់ទូរស័ព្ទដៃ Google Pixel 9a នឹងទទួលបានអេក្រង់ OLED ទំហំ ៦,២៨៥ អ៊ីញ 120Hz មានកម្រិតបង្ហាញ FHD+ (1080 x 2424 pixels) និងកម្រិតពន្លឺ 2,700 nits ប្រើប្រាស់កញ្ជក់ការពារប្រភេទ Corning Gorilla Glass 3 Protection ដំណើរការដោយបន្ទះឈីប Google Tensor G4 SoC និង Titan M2 security chip ជាមួយប្រព័ន្ធប្រតិបត្តិការ Android 15 និងទទួលបានកំណែអាប់ឌែតប្រព័ន្ធប្រតិបត្តិការ (OS) នៅក្នុងរយៈពេល ៧ឆ្នាំ និងទទួលបាន RAM 8GB និងអង្គផ្ទុក 128GB / 256GB ប្រភេទ UFS 3.1 ព្រមទាំងអាចប្រើប្រាស់សុីមបានចំនួន២ (nano + eSIM) និងអាចស្កេនម្រាមដៃនៅលើអេក្រង់បាន។
ចំពោះផ្នែកកាមេរ៉ាវិញ Google Pixel 9a នឹងទទួលបានកាម៉េរ៉ាគោលខាងក្រោយទំហំ 48MP ប្រើប្រាស់សេនស័រ Samsung GN8 មាន aperture f/1.7, LED flash និងមុខងារជំនួយលំនឹង OIS រួមជាមួយនឹងសេនស័រទំហំ 48MP ១គ្រាប់បន្ថែមទៀត បូករួមជាមួយលេនទូលាយ Ultra-Wide ទំហំ 13MP ប្រើប្រាស់សេនស័រ Sony IMX712 មាន aperture f/2.2 អាចថតបានមុំ ១២០ដឺក្រេ និងអាចថតវីដេអូបានកម្រិត 4K ក្នុងល្បឿន 60fps ខណៈកាមេរ៉ាផ្នែកខាងមុខនឹងមានទំហំ 13MP ប្រើប្រាស់សេនស័រ Sony IMX712 ជាប្រភេទលេនទូលាយ Ultra-Wide អាចថតបានមុំ ៩៦,៥ ដឺក្រេ មាន aperture f/2.2 អាចថតវីដេអូបានកម្រិត 4K ក្នុងល្បឿន 30 fps ។
ចំណែកផ្នែកថាមពលថ្ម ទូរស័ព្ទដៃ Google Pixel 9a នឹងទទួលបានកញ្ជប់ថ្មទំហំ 5100mAh គាំទ្រការសាកតាមខ្សែ 18W និង 7.5W ឥតខ្សែ។ លើសពីនេះទៅទៀត ទូរស័ព្ទនេះ នឹងមានបំពាក់ជាមួយអាវការពារធូលី និងទឹកកម្រិត IP68 និងគាំទ្រការតភ្ជាប់ 5G, 4G VoLTE, Wi-Fi 6E, Bluetooth 5.3LE, GPS, USB Type-C 3.2, NFC និងទទួលបានរន្ធ USB Type-C audio, បាសសម្លេង Stereo speakers និងរន្ធ microphone ចំនួន២។
ក្នុងនោះ ការរចនារបស់ទូរស័ព្ទដៃ Google Pixel 9a អាចនឹងមានកម្រាស់ ៨,៩ ម.ម និងទម្ងន់ ១៨៦ ក្រាម និងទទួលបានជម្រើសពណ៌ Obsidian, Porcelain, Iris និង Peony ៕
