កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ realme បានធ្វើការប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី realme Neo7 ជាមួយតម្លៃលក់ចាប់ពី ៣០២ ដុល្លារ ដល់ ៤៥៣ ដុល្លារ នៅក្នុងទីផ្សារប្រទេសចិន។
ទូរស័ព្ទដៃ realme Neo7 ទទួលបានអេក្រង់ 8T LTPO BOE S2 OLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K (2800×1260 pixels) និងកម្រិតពន្លឺ 6,000 nits ដំណើរការដោយបន្ទះឈីប Dimensity 9300+ ទំហំ 4nm ជាមួយនឹងប្រព័ន្ធប្រតិបត្តិការ Android 15 នៅលើ realme UI 6.0 និងទទួលបាន RAM 12GB / 16GB និងអង្គផ្ទុក 256GB / 512GB / 1TB ប្រភេទ UFS 4.0 ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ាទូរស័ព្ទដៃ realme Neo7 ទទួលបានកាម៉េរ៉ាគោលខាងក្រោយទំហំ 50MP ប្រើប្រាស់សេនស័រ Sony IMX882 មាន aperture f/1.88 និង OIS បូករួមជាមួយលេនទូលាយ Ultra-Wide ទំហំ 8MP មាន aperture f/2.2 ចំណែកកាមេរ៉ាផ្នែកខាងមុខរបស់ទូរស័ព្ទដៃនេះមានទំហំ 16MP មាន aperture f/2.45 ។
ចំណែកផ្នែកថាមពលថ្ម ទូរស័ព្ទដៃនេះទទួលបានកញ្ជប់ថាមពលថ្មទំហំធំដល់ 7,000mAh គាំទ្រការសាកល្បឿនលឿនតាមខ្សែ 80W ។ លើសពីនេះទៅទៀត ទូរស័ព្ទដៃ realme Neo7 គឺមានបំពាក់មកជាមួយអាវការពារធូលី និងទឹកកម្រិត IP68+IP69 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4, GPS, USB Type-C, NFC និងទទួលបានរន្ធ USB Type-C audio និងបាសសម្លេង Stereo speakers ។
ពាណិជ្ជកម្ម
គួរឲដឹងថា ការរចនារបស់ស្មាតហ្វូន realme Neo7 មានកម្រាស់ខ្ទង់ ៨,៥៦ ម.ម និងទម្ងន់ខ្ទង់ ២១៣ ក្រាម និងទទួលបានជម្រើសពណ៌ Starship, Submarine និង Meteorite Black ៕