កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ realme បានប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី realme V60 Pro ជាមួយតម្លៃលក់ចាប់ពី ២២១ ដុល្លារ ដល់ ២៤៨ ដុល្លារ នៅក្នុងទីផ្សារប្រទេសចិន។
ពាណិជ្ជកម្ម
ទូរស័ព្ទដៃ realme V60 Pro ទទួលបានអេក្រង់ LCD ទំហំ ៦,៦៧ អ៊ីញ 120Hz មានកម្រិតបង្ហាញ HD+ (720×1604 pixels) និងកម្រិតពន្លឺ 625 nits ដំណើរការដោយបន្ទះឈីប MediaTek Dimensity 6300 ទំហំ 6nm ជាមួយប្រព័ន្ធប្រតិបត្តិការ Android 14 នៅលើ realme UI 5.0 និងទទួលបាន RAM 12GB និងអង្គផ្ទុក 256GB / 512GB ព្រមទាំងអាចប្រើប្រាស់សុីមបានចំនួន២ (nano + nano + microSD) អាចបន្ថែមដល់ 1TB តាមរយៈ microSD និងអាចស្កេនម្រាមដៃនៅផ្នែកចំហៀងអេក្រង់បាន។
សម្រាប់ផ្នែកកាមេរ៉ា ទូរស័ព្ទដៃ realme V60 Pro ទទួលបានកាម៉េរ៉ាគោលខាងក្រោយទំហំ 50MP មាន LED flash ខណៈកាមេរ៉ាផ្នែកខាងមុខមានទំហំ 8MP ។ ចំណែកផ្នែកថាមពលថ្មវិញ ទទួលបានកញ្ជប់ថាមពលថ្មទំហំ 5,600mAh គាំទ្រការសាកតាមខ្សែ 45W ។ លើសពីនេះទៅទៀត ទូរស័ព្ទនេះ គឺមានបំពាក់មកជាមួយបាសសម្លេងនៅផ្នែកខាងក្រោម អាវការពារធូលី និងទឹកកម្រិត IP68 + IP69 និងគាំទ្រការតភ្ជាប់ 5G, 4G VoLTE, Wi-Fi 802.11 ac (2.4GHz + 5GHz), Bluetooth 5.3, GPS និង USB Type-C។
គួរឲដឹងថា ការរចនារបស់ស្មាតហ្វូន realme V60 Pro មានកម្រាស់ ៧,៩៩ ម.ម និងទម្ងន់ ១៩៦ ក្រាម និងទទួលបានជម្រើសពណ៌ Obsidian Gold, Rock Black និង Lucky Red ៕