កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ realme បានប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី realme C75 ជាមួយតម្លៃលក់ចាប់ពី ២២៣ ដុល្លារ នៅក្នុងទីផ្សារប្រទេសវៀតណាម។
សម្រាប់ទូរស័ព្ទដៃ realme C75 ទទួលបានអេក្រង់ LCD ទំហំ ៦,៧២ អ៊ីញ 90Hz មានកម្រិតបង្ហាញ FHD+ (2400 x 1080 pixels) និងកម្រិតពន្លឺ 690 nits ដំណើរការដោយបន្ទះឈីប MediaTek Helio G92 Max ទំហំ 12nm ជាមួយប្រព័ន្ធប្រតិបត្តិការ Android 14 នៅលើ realme UI 5.0 និងទទួលបាន RAM 8GB និងអង្គផ្ទុក 128GB / 256GB / 512GB ប្រភេទ eMMC 5.1 ព្រមទាំងអាចប្រើប្រាស់សុីមបានចំនួន២ (nano + nano + microSD) អាចបន្ថែមដល់ 1TB តាមរយៈ microSD និងអាចស្កេនម្រាមដៃនៅផ្នែកចំហៀងអេក្រង់បាន។
សម្រាប់ផ្នែកកាមេរ៉ា ទូរស័ព្ទដៃ realme C75 ទទួលបានកាម៉េរ៉ាគោលខាងក្រោយទំហំ 50MP មាន LED flash ខណៈកាមេរ៉ាផ្នែកខាងមុខមានទំហំ 8MP ។ ចំណែកផ្នែកថាមពលថ្មវិញ ទទួលបានកញ្ជប់ថាមពលថ្មទំហំ 6,000mAh គាំទ្រការសាកតាមខ្សែ 45W ។ លើសពីនេះទៅទៀត ទូរស័ព្ទនេះ គឺមានបំពាក់មកជាមួយបាសសម្លេងនៅផ្នែកខាងក្រោម អាវការពារធូលី និងទឹកកម្រិត IP69 និងគាំទ្រការតភ្ជាប់ 4G VoLTE, Wi-Fi 802.11 ac (2.4GHz + 5GHz), Bluetooth 5.1, GPS + GLONASS និង USB Type-C។
គួរឲដឹងថា ការរចនារបស់ស្មាតហ្វូន realme C75 មានកម្រាស់ ៧,៩៩ ម.ម និងទម្ងន់ ១៩៦ ក្រាម និងទទួលបានជម្រើសពណ៌ Lightning Gold និង Black ៕
ពាណិជ្ជកម្ម
