កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ OPPO បានប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី OPPO Reno13 Series ជាមួយតម្លៃលក់ចាប់ពី ៣៧០ ដុល្លារ ដល់ ៥២០ដុល្លារ សម្រាប់ OPPO Reno13 និងចាប់ពី ៤៦៩ ដុល្លារ ដល់ ៦២០ ដុល្លារសម្រាប់ OPPO Reno13 Pro នៅក្នុងទីផ្សារប្រទេសចិន។
សម្រាប់ទូរស័ព្ទដៃ OPPO Reno13 ទទួលបានអេក្រង់កោង AMOLED ទំហំ ៦,៥៩ អ៊ីញ 120Hz មានកម្រិតបង្ហាញ 1.5K (2760 × 1256 pixels) និងងកម្រិតពន្លឺ 1200 nits ចំណែក 13 Pro វិញទទួលបានប្រភេទអេក្រង់ដូចគ្នាប៉ុន្តែមានទំហំ ៦,៨៣អ៊ីញ ដំណើរការដោយបន្ទះឈីប MediaTek Dimensity 8350 ទំហំ 4nm និងបន្ទះឈីប X1 ថ្មី ដើម្បីបង្កើនគុណភាពបណ្តាញតភ្ជាប់ ជាមួយប្រព័ន្ធប្រតិបត្តិការ Android 14 នៅលើ ColorOS 14 និងទទួលបាន RAM 12GB | 16GB និងអង្គផ្ទុក 256GB | 512GB | 1TB ប្រភេទ UFS 3.1 storage ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ាទូរស័ព្ទដៃ OPPO Reno13 និង 13 Pro ទទួលបានកាម៉េរ៉ាគោលខាងក្រោយទំហំ 50MP ប្រើប្រាស់សេនស័រ Sony IMX882 មាន aperture f/1.8 ជំនួយដោយមុខងារគ្រប់គ្រងលំនឹង OIS បូករួមជាមួយលេន Ultra-Wide ទំហំ 8MP ប្រើប្រាស់សេនស័រ Sony IMX355 មាន aperture ƒ/2.2 អាចថតបាន ១១២ដឺក្រេ និងលេន Telephoto ទំហំ 50MP ប្រើប្រាស់សេនស័រ Samsung JN5 មាន aperture f/2.8 គាំទ្រការថត 3.5X Optical Zoom ( 13 Pro) ខណៈកាមេរ៉ាផ្នែកខាងមុខរបស់ទូរស័ព្ទដៃ OPPO Reno13 Series មានទំហំ 50MP ប្រើប្រាស់សេនស័រ Samsung JN5 មាន aperture f/2.0។ ក្នុងនោះកាមេរ៉ាមុខ-ក្រោយរបស់ OPPO Reno13 Series គឺអាចថតវីដេអូបានកម្រិត 4K ក្នុងល្បឿន 60fps ។
ចំណែកផ្នែកថាមពលថ្ម ទូរស័ព្ទដៃ OPPO Reno13 និង 13 Pro ទទួលបានកញ្ជប់ថាមពលថ្មទំហំ 5,600mAh និង 5,800mAh (Pro) ដែលគាំទ្រការសាកតាមខ្សែ 80W និង 50W ឥតខ្សែ (Pro) ។ លើសពីនេះទៅទៀត ទូរស័ព្ទនេះ គឺមានបំពាក់មកជាមួយអាវការពារធូលី និងទឹកកម្រិត IP66 + IP68 + IP69 និងគាំទ្រការតភ្ជាប់ 5G, Wi-Fi 6, Bluetooth 5.4, GPS, USB Type-C និងទទួលបានរន្ធ USB Type-C audio និងបាសសម្លេង Stereo speakers ។
គួរឲដឹងថា ការរចនារបស់ស្មាតហ្វូន OPPO Reno13 Series គឺត្រូវបានរចនាជាមួយស៊ុមដែក ដែលការរចនារបស់ស្មាតហ្វូន OPPO Reno13 មានកម្រាស់ ៧,២៤ ម.ម និងទម្ងន់ ១៨១ ក្រាម និងទទួលបានជម្រើសពណ៌ Butterfly Purple, Galaxy Blue និង Midnight Black ចំណែក 13 Pro វិញ មានកម្រាស់ ៧,៥៥ ម.ម ទម្ងន់ ១៩៧ ក្រាម និងទទួលបានជម្រើសពណ៌ Butterfly Purple, Midnight Black និងពណ៌ផ្កាឈូក៕
