កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ HONOR បានប្រកាសដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មី HONOR X9c 5G ជាមួយតម្លៃលក់ចាប់ពី ៣៤០ ដុល្លារ ដល់ ៣៨៥ ដុល្លារ នៅក្នុងទីផ្សារប្រទេសម៉ាឡសុី។
ពាណិជ្ជកម្ម
ទូរស័ព្ទដៃ HONOR X9c 5G ទទួលបានអេក្រង់កោងប្រភេទ AMOLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K (2700 x 1224 pixels) និងកម្រិតពន្លឺ 4,000 nits ដំណើរការដោយបន្ទះឈីប Snapdragon 6 Gen 1 4nm ជាមួយប្រព័ន្ធប្រតិបត្តិការ Android 14 នៅលើ MagicOS 8.0 និងទទួលបាន RAM 12GB និងអង្គផ្ទុក 256GB / 512GB ព្រមទាំងប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ាវិញ ទូរស័ព្ទដៃ HONOR X9c 5G ទទួលបានកាម៉េរ៉ាគោលខាងក្រោយទំហំ 108MP (f/1.75) មានមុខងារ OIS, EIS និង LED flash បូករួមជាមួយលេន Ultra-Wide ទំហំ 5MP (f/2.2) អាចថតវីដេអូបានកម្រិត 4K ក្នុងល្បឿន 30fps ខណៈកាមេរ៉ាផ្នែកខាងមុខមានទំហំ 16MP (f/2.45) គាំទ្រការថតវីដេអូបានកម្រិត 1080p ក្នុងល្បឿន 30fps។
ចំណែកផ្នែកថាមពលថ្ម ទូរស័ព្ទដៃមួយនេះទទួលបានកញ្ជប់ថ្មទំហំ 6,600mAh គាំទ្រការសាកតាមខ្សែ 66W ។ លើសពីនេះទៅទៀត ទូរស័ព្ទនេះ មានបំពាក់ជាមួយអាវការពារធូលី និងទឹកកម្រិត IP65 និងគាំទ្រការតភ្ជាប់ 5G, 4G VoLTE, Wi-Fi 6, Bluetooth 5.1, GPS, USB Type-C, និងទទួលបានរន្ធ USB Type-C Audio និងបាសសម្លេង Stereo Speaker ។
ចំពោះការរចនារបស់ HONOR X9c 5G មានកម្រាស់ ៧,៩៨ ម.ម និងទម្ងន់ ១៨៩ ក្រាម និងទទួលបានជម្រើសពណ៌ចំនួន៣ រួមមាន Jade Cyan, Titanium Purple និង Titanium Black ៕