អ្នកទាំងអស់គ្នានេះគឺជា MacBook Pro ជំនាន់ថ្មី ដែលក្រុមហ៊ុន Apple ទើបតែប្រកាសចេញកាលពីពេលថ្មីៗនេះ។
សម្រាប់ MacBook Pro ជំនាន់ថ្មីនេះ គឺទទួលបានជម្រើសអេក្រង់ចំនួន២ រួមមានទំហំ ១៤,២ និង ១៦,២ អ៊ីញ 120Hz មានកម្រិតបង្ហាញ 3K និងកម្រិតពន្លឺ 1,600nits ដំណើរការដោយបន្ទះឈីប M4, M4 Pro និង M4 Max ថ្មី ដែលមាន CPU លើសពី ១៦ core, GPU លើសពី ៤០ core និងម៉ាសុីន Neural Engine ដែលអាចមានសមត្ថភាពដំណើរការលឿនជាង MacBook Pro M1 ចំនួន ៣ដង ជាមួយប្រព័ន្ធប្រតិបត្តិការ macOS Sonoma operating system និងទទួលបាន RAM 24GB / 36GB / 48GB / 128GB (M4 Max) និងអង្គផ្ទុក 512GB / 1TB / 2TB / 4TB / 8TB ព្រមទាំងអាចស្កេនម្រាមដៃនៅលើក្តារចុចបាន។
ចំពោះផ្នែកថាមពលថ្ម MacBook Pro ជម្រើសអេក្រង់ទំហំ ១៤,២ អ៊ីញ ទទួលបានកញ្ជប់ថ្ម lithium-polymer ទំហំ ៧២,៤វ៉ាត់ម៉ោង អាចប្រើប្រាស់បានរយៈពេល ១៦ម៉ោង គាំទ្រការសាក 70W និង 96W ចំណែកជម្រើសអេក្រង់ទំហំ ១៦,២ អ៊ីញ វិញ ទទួលបានកញ្ជប់ថ្ម lithium-polymer ទំហំ ១០០វ៉ាត់ម៉ោង អាចប្រើប្រាស់បានរយៈពេល ១៧ម៉ោង គាំទ្រការសាក 140W ។
គួរឲដឹងថា ការរចនារបស់ MacBook Pro ១៤អ៊ីញ មានកម្រាស់ ២២១ ម.ម និងទម្ងន់ ១,៦គីឡូក្រាម ចំណែកជម្រើសអេក្រង់ទំហំ ១៦,២ អ៊ីញ មានកម្រាស់ ២៤៨ ម.ម និងទម្ងន់ ២,១គីឡូក្រាម និងគាំទ្រការតភ្ជាប់ Wi-Fi 6E, Bluetooth 5.3, រន្ធដោតកាស ៣,៥ ម.ម, រន្ធ HDMI 2.1, រន្ធ Thunderbolt 5 120 Gb/s ចំនួន១ និង Thunderbolt 4 ចំនួន៣, រន្ធសាក MagSafe 3 និងទទួលបានបាសបំពងសម្លេងចំនួន ៦ចំនុន និងគាំទ្រការ Connect ជាមួយកាស AirPod ជាដើម។
គួរឲដឹងថា៖
- MacBook Pro M4 ១៤អ៊ីញ មានតម្លៃលក់ចាប់ពី ១ ៥៩៩ ដុល្លារ ដល់ ១ ៩៩៩ ដុល្លារ
- MacBook Pro M4 Pro ១៤អ៊ីញ មានតម្លៃលក់ចាប់ពី ១ ៩៩៩ ដុល្លារ ដល់ ២ ៣៩៩ ដុល្លារ
- MacBook Pro M4 Max ១៤អ៊ីញ មានតម្លៃលក់ចាប់ពី ៣ ១៩៩ ដុល្លារ
- MacBook Pro M4 Pro ១៦អ៊ីញ មានតម្លៃលក់ចាប់ពី ២ ៤៩៩ ដុល្លារ ដល់ ២ ៨៩៩ ដុល្លារ
- MacBook Pro M4 Max ១៦អ៊ីញ មានតម្លៃលក់ចាប់ពី ៣ ៤៩៩ ដុល្លារ ដល់ ៣ ៩៩៩ ដុល្លារ នៅក្នុងទីផ្សារសហរដ្ឋអាមេរិក៕