កាលពីពេលថ្មីៗនេះ ក្រុមហ៊ុនផលិតស្មាតហ្វូន Realme បានធ្វើការដាក់បង្ហាញចេញនូវស្មាតហ្វូន realme GT 7 Pro ដែលជាស្មាតហ្វូនសេរ៊ីថ្មីរបស់ខ្លួនផ្ទាល់ ហើយគ្រោងនឹងដាក់បង្ហាញចេញជាផ្លូវការ និងចេញលក់ជាផ្លូវការនៅក្នុងពេលឆាប់ៗខាងមុខនេះ។
ស្មាតហ្វូន realme GT 7 Pro អាចនឹងទទួលបានអេក្រង់ OLED ទំហំ ៦,៧៨អ៊ីញ 120Hz មានកម្រិតបង្ហាញ 2780×1264 pixels និងកម្រិតពន្លឺ 6,000 nits ដំណើរការដោយបន្ទះឈីប Snapdragon 8 Elite ទំហំ 3nm ជាមួយប្រព័ន្ធប្រតិបត្តិការ Android 15 នៅលើ realme UI 6.0 និងទទួលបាន RAM 12GB / 16GB / 24GB និងអង្គផ្ទុក 256GB / 512GB / 1TB ។
បើនិយាយពីផ្នែកកាមេរ៉ាវិញ អាចនឹងមានបំពាក់នូវកាមេរ៉ាគោលទំហំ 50MP ដែលអាចប្រើបានជាមួយមុខងារ OIS បូករួមជាមួយលេន ultra-wide 8MP និងលេន periscope telephoto ទំហំ 50MP គាំទ្រការថតអុបទិក 3x ចំណែកកាមេរ៉ា selfie មានទំហំ 16MP។
ចំណែកថាមពលថ្ម realme GT 7 Pro អាចនឹងទទួលបានកញ្ជប់ថ្មទំហំ 6,500mAh ជាមួយនឹងជំនួយការសាកឥតខ្សែ 120W និងផ្តល់នូវមុខងារតភ្ជាប់ដូចជា ការគាំទ្រការប្រើប្រាស់ស៊ីមបានចំនួន២, 4G VoLTE, 5G, Wi-Fi 7 និង Bluetooth 5.4 ជាដើម ដែលអាចស្កេនក្រយៅដៃនៅលើអេក្រង់បាន៕